قازاقستان قۇرامىندا التىنى بار شيكىزاتتاردى شەتكە شىعارۋعا تىيىم سالاتىن بولادى

استانا. قازاقپارات - قازاقستان ۇكىمەتى جاقىن ارالىقتا قۇرامىندا التىنى بار شيكىزاتتاردى ەلدەن شەتكە شىعارۋعا تىيىم سالاتىن بولادى.

بۇل تۋرالى بۇگىن استاناداعى قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ينۆەستيتسيالار جانە دامۋ ءمينيسترى اسەت يسەكەشەۆ ءمالىم ەتتى.

«ءبىزدىڭ مينيسترلىك قۇرامىندا التىنى بار شيكىزاتتاردى ەلدەن اكەتۋگە تىيىم سالۋ تۋرالى بۇيرىققا قول قويدى. قازىرگى تاڭدا وسى قۇرامىندا التىنى بار شيكىزاتتارعا تىيىم سالۋ تۋرالى بۇيرىق باسقا دا مينيسترلىكتەر اراسىندا تالقىلانىپ جاتىر. جاقىن ارالىقتا ءبىز ونى قابىلداۋدى جوسپارلاپ وتىرامىز»، - دەدى مينيستر ءا. يسەكەشيەۆ.

اۆتور: قانات مامەتقازى ۇلى