ورالدا قارۋلى كۇشتەر ءۇشىن سۋ استى روبوتتارىن شىعارۋ كوزدەلۋدە
الداعى ءۇش جىلدا «گيدروپريبور» ع ز ي» ا ق جانە «ورال «زەنيت» زاۋىتى» ا ق- نى تاپسىرىسپەن قامتۋ ماقساتىندا ق ر قارۋلى كۇشتەرى اسكەري- تەڭىز كۇشتەرى باسقارماسىنىڭ جۇمىس توبى فرانسيالىق «ECA Robotics» كومپانياسى وكىلدەرىمەن دە كەزدەستى.
ج. جانۇزاقوۆتىڭ اتاپ وتكەنىندەي، جوعارى باس قولباسشى، ەلباسى وتاندىق، سونىڭ ىشىندە قورعانىستىق ونەركاسىپ سالاسىنا ايرىقشا كوڭىل ءبولىپ كەلەدى. وسىعان وراي قورعانىس مينيسترلىگى بارلىق تاپسىرىستى قازاقستاندىق كاسىپورىندارعا ورنالاستىرۋ جونىندە شەشىم قابىلدادى. بۇل رەتتە «گيدروپريبور» ع ز ي» اق جانە «ورال «زەنيت» زاۋىتى» ا ق- مەن بۇرىننان تىعىز بايلانىس بار. ءۇش جىلعا ەسەپتەلگەن بيۋدجەت نەگىزىندە بۇل زاۋىتتار دا وسى كەزەڭدەگى ءوز جۇمىسىن جوسپارلاي الادى.
ماسەلەن، «گيدروپريبور» ع ز ي» ا ق- دا قارۋلى كۇشتەر قاجەتى ءۇشىن سۋ استى روبوت تەحنيكالارىن وندىرۋگە مۇمكىندىك بار. بۇل مىندەتتى ساپالى ورىنداۋ ءۇشىن ازاماتتىق جانە اسكەري ماقساتتاعى ءتۇرلى سۋ استى روبوتتارىن شىعارۋعا ماماندانعان «ECA Robotics» كومپانياسى تارتىلىپ وتىر. بۇدان ەكى جىل بۇرىن قوس كومپانيا اراسىندا مەموراندۋمعا قول قويىلعان. سودان بەرى فرانسيالىق ارىپتەستەر ورالدىق كاسىپورىننىڭ تىنىس- تىرشىلىگىن قاراپ، مۇمكىندىكتەرىن باعالادى. ەندىگى مىندەت - كاسىپورىندا سەح اشۋ، قۇرالدار دايىنداۋ، تەحنيكالىق قىزمەت كورسەتۋ جانە جابدىقتار اكەلۋ ماسەلەسىن ناقتىلاي ءتۇسۋ.
«گيدروپريبور» ع ز ي» ا ق باس ديرەكتورى الەكساندر گنەلومەدوۆتىڭ سوزىنە قاراعاندا، كاسىپورىن بۇعان دايىن. جيىرما جىلدان استام ۋاقىت بۇرىن كاسىپورىن سۋ استىنداعى مۇناي- گاز قۇبىرلارىنا قىزمەت كورسەتەتىن روبوتتاردى العاش رەت شىعارعان بولاتىن. قازىرگى تاڭدا شاعىن كاتەرلەردەن باستاپ ءتۇرلى قۇرال- جابدىقتار وندىرىلۋدە. ءجۇز ەلۋدەي قىزمەتكەر ەڭبەك ەتەدى. «ECA Robotics» كومپانياسى سۋ استى روبوت تەحنيكالارى كەشەندەرىن جەتكىزەتىن بولادى. مۇندا ول قۇراستىرىلىپ، شىعارىلادى. بولاشاقتا فرانسيالىق ارىپتەستەردىڭ تەحنولوگياسى نەگىزىندە سىرتقى نارىققا جول تابۋعا بولادى. روبوتتىڭ العاشقى ۇلگىلەرى جىل اياعىندا دايىن بولماق.
«ECA Robotics» كومپانياسىنىڭ بيزنەس- مەنەدجەرى وليۆە ماگرە اپپاراتتاردى اكەلۋ جانە قۇراستىرۋ ماقساتىندا كەلىسىم جۇرگىزىلىپ جاتقانىن، بۇل بايلانىستىڭ ۇزاق مەرزىمدى ءارى جەمىستى بولاتىنىنا سەنەتىنىن جەتكىزدى. مۇنداي سۋ استى روبوت تەحنيكالارى اسكەري عانا ەمەس، وندىرىستىك سالالارعا دا اسا قاجەت. سوندىقتان فرانسۋزدىق تاراپ ق ر قارۋلى كۇشتەرىنىڭ تاپسىرىسىن ورىنداعان سوڭ قازاقستان- فرانسۋزدىق روبوت تەحنيكالارىنىڭ ت م د جانە ورتا ازيا ەلدەرىنە دە ساتىلۋىن كوزدەپ وتىر.
اسكەري- تەڭىز كۇشتەرى باسقارماسىنىڭ جۇمىس توبى «زەنيت» زاۋىتى باسشىلىعىمەن دە الداعى ءىس- جوسپارىن تالقىلادى. مۇندا بيىل ءتورتىنشى زىمىران- ارتيللەريالىق كەمە جاسالماقشى. بۇدان بۇرىنعى وسىنداي ءۇش كەمە ءوز مىندەتىن ورىنداۋدا. ساپا كوڭىلدەن شىعادى. تاياۋداعى ءۇش- ءتورت جىلدا مۇلدە جاڭا تۇرپاتتاعى كەمە جاساۋعا كوشۋ ءۇشىن زاۋىتتا جاڭعىرتۋ جۇمىستارى جۇرگىزىلۋدە. مەملەكەتتىك قورعانىستىق تاپسىرىس العاننان كەيىن زاۋىت تا تولىققاندى جۇمىس جاسايدى.
«اسكەري- تەڭىز كۇشتەرى تۋرالى ايتساق، ءبىز ساتىپ الاتىن ءونىمنىڭ 90 پايىزى وتاندىق كاسىپورىنداردا وندىرىلەدى. اڭگىمە تەك كەمە جاساۋ جونىندە عانا ەمەس. سونىمەن قاتار كەمەلەرگە تەحنيكالىق قىزمەت كورسەتۋ، جوندەۋ جۇمىستارى، باسقا دا ءونىم تۇرلەرىن شىعارۋ ماسەلەلەرى دە شەشىلۋدە»، دەدى كونتر- ادميرال ج. جانۇزاقوۆ.
«ورال «زەنيت» زاۋىتى» ا ق باس ديرەكتورى ۆياچەسلاۆ ۆاليەۆتىڭ ايتۋىنشا، اتالعان زاۋىت ونىمىندە قازاقستاندىق ۇلەس 55 پايىزدان اسادى. قازىرگى تاڭدا زاۋىت 60 پايىزعا جۇمىس جاساپ تۇرعانمەنەن، ەشكىم قىسقارعان جوق. ماقسات - ەلباسى تاپسىرماسىنا سايكەس جاڭا يننوۆاتسيالىق جوبالاردى جۇزەگە اسىرا وتىرىپ، تولىق قۋاتقا كوشۋ.
