ەندى ەڭبەك ميگرانتتارى رەسەيگە ەمەس قازاقستانعا كەلە باستادى

استانا. قازاقپارات - وڭتۇستىك ەلدەرىنەن كەلەتىن ەڭبەك ميگرانتتارى ەندى رەسەيگە ەمەس قازاقستانعا كەلە باستادى.

بۇل تۋرالى رەسەي جاڭالىقتار قىزمەتىنە بەرگەن سۇحباتىندا ەڭبەك ميگرانتتارىنىڭ قۇقىعىن قورعاۋ جونىندەگى ايماقارالىق وداعىنىڭ باسشىسى پاۆەل كوۆالەنكو حابارلادى.

ساراپشىنىڭ ايتۋىنشا، شەتەلدىك جۇمىسشىلار ۆاليۋتا باعامىنىڭ تۇسۋىنەن كەيىن كەلۋىن ازايتقان. «وڭتۇستىك ەلدەرىنەن ەڭبەك ميگرانتتارى لەك-لەگىمەن قازاقستانعا اتتانا باستادى. وندا اپتاسىنا 5 كۇن جۇمىس ىستەيتىن ساتۋشىنىڭ ەڭبەكاقىسى 1200 دوللاردى قۇرايدى جانە بۇل الماتىنىڭ قاڭتار ايىنداعى ناقتى سانى»، - دەپ ءتۇسىندىردى ول.

سونداي-اق، كوۆالەنكو ر ف ازاماتتارىنىڭ تابىستارى ازاياتىندىعىن اتاپ ءوتتى. «بىزگە كەلەتىن بۇل ادامدار بىزگە جولدار مەن ۇيلەر سالاتىن، ال ءبىز مۇنى جاقسى پايدالاناتىنبىز. ميگرانتتاردىڭ كەتۋى بىزگە جاعىمسىز جاعىنان اسەر ەتپەك، ءيا ولار سالىق تولەمەيتىن جانە تاپقان اقشالارىن ۇيلەرىنە الىپ كەتەتىن، ءبىراق مۇنى ولاردىڭ ەڭبەك ناتيجەلەرىمەن سالىستىرۋعا كەلمەيدى. قازىر ءبىز ول جۇمىسشىلاردان قۇتىلىپ جاتىرمىز، الايدا ەندىگى حالىقتىڭ ناقتى تابىسى قازىرگىدەن دە تومەندەيتىن بولادى. ويتكەنى شەتەلدىكتىڭ شىعاراتىن قوسىمشا ءونىمىن رەسەي ازاماتتارى پايدالاناتىن»، - دەپ ەسەپتەيدى ساراپشى.

24.kz