ق ر پرەزيدەنتىنىڭ كوپتەگەن نۇسقاۋلارى ينتەرنەت بەتىن شارلاپ، دايەكسوزدەرگە اينالىپ كەتتى
«ۇكىمەتتىڭ كەڭەيتىلگەن وتىرىسىنىڭ بارىسىن مۇقيات قارادىم، ويتكەنى كۇن تارتىبىندە وتە ماڭىزدى ماسەلەلەر قوزعالدى. ءبىز الەمدە نە بولىپ جاتقانىن كورىپ وتىرمىز، - بارلىق ەلدەر قيىنشىلىقتاردى باستان كەشۋدە، كەي جەرلەردە جاعداي ۋشىعا تۇسكەن، وكىنىشكە وراي جانجالدار دا بولىپ جاتىر. سوندىقتان دا ادامدار وزدەرىنىڭ بولاشاعىنا الاڭداۋلى. مەملەكەت باسشىسىنىڭ سوزدەرى ورىندى ايتىلعان. ولار بۇكىل قازاقستاندىقتاردىڭ تۇراقتى بولاشاعىنا سەنىم ۇيالاتتى»، - دەپ اتاپ ءوتتى ي. نەسەن.
ونىڭ ايتۋىنشا، قازاقستان پرەزيدەنتىنىڭ كوپتەگەن نۇسقاۋلارى دايەكسوز رەتىندە ينتەرنەتتى شارلاپ كەتتى جانە ءاربىر قازاقستاندىق ولاردى ءىس- قيمىلعا باسشىلىققا الدى. «قازىر حالىقتىڭ باسىم بولىگى الەمدىك جەلىنى پايدالانادى، تەلەديدار قارايدى. سوندىقتان دا نۇرسۇلتان ءابىش ۇلىنىڭ سوزدەرى وتباسىندا، ۇجىمداردا تىلگە تيەك ەتىلەدى. ولاردى ەلىمىزدىڭ ءاربىر تۇرعىنى كۇندەلىكتى قىزمەتىندە نەگىزگە الۋى ءتيىس دەپ ويلايمىن. مەملەكەت باسشىسى ايتقانداي، ءبارىمىز بىرگە عانا قازىرگى زامان قاتەرلەرىن ەڭسەرە الامىز. ءبىز مۇنى ىستەيتىنىمىزگە سەنىمدىمىن. بىلەكتى سىبانىپ، اسىرەسە بىزدەر، جاستار ىسكە كىرىسۋىمىز قاجەت»، - دەپ ءسوزىن تۇيىندەدى سۇحباتتاسۋشى.
