ورالدا يندۋستريالىق ايماق قۇرۋ جۇمىسى باستالدى

ورال. قازاقپارات - باتىس قازاقستان وبلىسىندا ينۆەستيتسيا تارتۋ ماقساتىندا يندۋستريالىق ايماق قۇرۋ جۇمىسى باستالدى.

وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىسى اسلان جاقىپوۆتىڭ ايتۋىنشا، تۇرىك ينۆەستورىمەن (ISKOBIR) تىكەلەي كەلىسسوز ناتيجەسىندە ورال قالاسى اكىمدىگى 908 گ ا جەر تەلىمىن جيىرما جىلعا دەيىنگى مەرزىمگە ءبولدى. رەسپۋبليكالىق ماڭىزى بار جول جانىنداعى اۋماقتا بارلىق قاجەتتى ينفراقۇرىلىم بار. قازىرگى كەزدە «ورال» ا ك ك» ۇ ك» ا ق جوبانىڭ تەحنيكالىق-ەكونوميكالىق نەگىزدەمەسىن جاساۋعا 33 ميلليون تەڭگە ءبولدى.

ايتا كەتەيىك، 2014-جىلى وڭىردە نەگىزگى قارجىعا 263,9 ميلليارد تەڭگە قوسىلدى، بۇل الدىڭعى جىلعىدان 34,1 پايىزعا كوپ. سونىڭ ىشىندە ونەركاسىپكە 193,4 ميلليارد تەڭگە (ءوسىم - 40,3 پايىز) باعىتتالدى. سىرتقى ينۆەستيتسيالار كولەمى 40,5 پايىزعا كوبەيىپ، 139,9 ميلليارد تەڭگەگە جەتتى.