بابالار ءسوزى: بولتىرىك شەشەن قالاي باتىر اتاندى؟
«قازاق حاندارى» ايدارىندا تاريحىمىزدا ەلىنە قورعان بولعان حانداردىڭ ءومىرى تۋرالى دەرەكتەر بەرىلەدى. ال «ەجەلگى قالالار تاريحى» ايدارىنا قازاق دالاسىنداعى وركەنيەتتىڭ ورداسى بولعان كونە قالالاردىڭ تاريحى تۋرالى جازبالار جاريالانادى. «حالىق قازىناسى» ايدارى بويىنشا، قازاقستانداعى تاريحي، مادەني ەسكەرتكىشتەر، قازاق حالقىنىڭ سالت- داستۇرلەرى، قولونەر، قارۋ- جاراقتارى تۋرالى ماعلۇماتتار بەرىلمەك. جوبا ماتەريالدارى قازاق تىلىندە (قازاقشا جانە توتە جازۋمەن) اگەنتتىك سايتىندا جاريالانىپ وتىرادى.
***
بولتىرىك وتە شەشەن، تاپقىر كىسى بولعان. ءبىراق مىقتى باتىر بولماسا كەرەك. ونىڭ بولتىرىك باتىر اتانۋىنىڭ سەبەبى مىنادان ەكەن.
قىرعىز، قازاق باس قوسقان ءبىر ۇلكەن اس بولادى. وسى استا قىرعىزدىڭ قوسشى دەگەن شاعىنداۋ ءبىر اتاسىنىڭ ۇلىنان شىققان مامەن دەگەن باتىر نايزا الىپ سايىسقا شىعادى.
مامەننىڭ بۇرىننان سىرىن بىلەتىن قازاقتار وعان سايىسقا شىعا قويمادى. ەل بوگەلىپ قالعاسىن، بولتىرىك:
«اتىمدى اكەل، مەن شىعامىن»، - دەيدى.
ەل اڭ- تاڭ، بولتىرىك ات تا تاڭداپ مىنبەي، ءوزىنىڭ جاي ءمىنىپ بارعان اتىمەن قولىنا نايزا دا ۇستاماي شىققان سوڭ، مامەن ءىلىپ تاستارمىن دەپ تۋرا سايىسۋعا دايىندالدى.
بولتىرىك ىڭعايلانعان مامەنگە تايانىپ كەلىپ: «قىرعىزدىڭ جۋان ماناپتارى سەنى قوسشىسىنىپ، قازاقتىڭ جۋاندارى مەنى ىستىسىنىپ: «ولسە وسى ەكەۋى ءولسىن، بايگەنى ءبىز الامىز»، - دەپ شىعارىپ وتىرعانىن كوردىڭ بە؟ ! تاستا نايزاڭدى، بايگە سەنىكى بولسىن. مەن باتامدى بەرەيىن»، - دەپتى دە، ءوزى قولىنداعى نايزانى جەرگە تاستايدى. مامەن دە نايزاسىن تاستاپ، باتا بەرەدى دەپ قولىن جايعاندا، بولتىرىك مامەندى تالماۋ وكپەدەن ءبىر قويىپ، اتتان ءتۇسىرىپتى دە، بايگەنى قازاق اكەتىپتى.
مىنە، بولتىرىك وسىدان بارىپ باتىر اتانعان.
