اشىق اسپان استىندا «كونە تاراز» مۇراجايى پايدا بولادى- فوتو
جامبىل وبلىستىق باسپا ءسوز قىزمەتىنەن حابارلاعانداي، 2014-2017 - جىلدارى «كونە تاراز» ارحەولوگيالىق ساياباعىنىڭ قۇرىلىسىنا قۇيىلاتىن قارجى شامامەن 47 ميلليارد تەڭگەنى، سونىڭ ىشىندە جەكە ينۆەستيتسيا 33 ميلليارد تەڭگەنى قۇرايدى.
اعىمداعى جىلدىڭ قىركۇيەگىندە قازاق حاندىعىنىڭ 550 جىلدىعىن تويلاۋ كەزىندە مۇراجايدىڭ العاشقى نىساندارى قوناقتاردى قابىلداماق. 13,4 ميلليارد تەڭگەنىڭ شامامەن التى ميلليارد تەڭگەسى ارحەولوگيالىق زەرتتەۋگە، ەسكەرتكىشتەردى قالىپقا كەلتىرۋگە، ينفراقۇرىلىمدى تارتۋعا جانە قۇرىلىسقا باعىتتالماق.
كونە قالاشىق ورنىندا ورىن تەبەتىن نىسان قۇرىلىسىنىڭ جوسپارى بەكىتىلدى. «كونە تاراز» ساياباعىنىڭ اۋماعى 20 گ ا- دان استام جەردى قۇرايدى. جاقىن ارادا ساۋدا ويىن- ساۋىق ورتالىعى سالىنۋدا. وعان جەكە كومپانيالار 10 ميلليارد تەڭگە قۇيۋدا.
مىڭداعان جامبىلدىق جۇمىسپەن قامتىلادى، دەپ اتاپ ءوتتى باسپا ءسوز قىزمەتىندە.
قازبا جۇمىستارى ناتيجەسىندە ارحەولوگتار VI- XII عاسىرلارعا جاتاتىن شامامەن 40 مىڭ ارتەفاكت تاپتى. ورتاعاسىرلىق سيتادەل، مەشىت (VIII - IX ع ع. ) ، مەدرەسە زورواستريالىقتاردىڭ التارى، تالاس وزەنى ساعاسىنىڭ جاعالاۋى، تۇرعىن ءۇي قۇرىلىستارىنىڭ فۋندامەنتتەرى تابىلدى. تابىلعان ارتەفاكتتار تارازدا قالادى.
اقىرتاس پەن بالاساعۇن (باتىس تۇرىك قاعاناتىنىڭ استاناسى VI- VIII ع ع. ) ساراي كەشەندەرىن قالىپقا كەلتىرۋ كوزدەلگەن.
«كونە تاراز» ساياباعى بولاشاقتا جامبىل وبلىسىنىڭ تۋريستىك برەندىنە اينالماق.
