استانادا «ابىلاي حاننىڭ ارمانى» تاريحي دراماسىنىڭ پرەمەراسى ءوتتى - فوتو
«بيىلعى جىل بىرنەشە ايتۋلى داتاعا تولى، بۇل كونستيتۋتسيانىڭ 20 جىلدىعى، قازاقستان حالقى اسسامبلەياسىنىڭ 20 جىلدىعى، ۇلى جەڭىستىڭ 70 جىلدىعى، سونداي-اق قازاق حاندىعىنىڭ 550 جىلدىعى. قازاق حاندىعى بويىنشا، نەگىزىنەن، ءبىر جىل بويى مادەني-عىلىمي باعىتتاعى ءىس-شارالار وتەدى. بۇگىن مىنە، سول شارالاردىڭ ءبىرى، «ابىلاي حاننىڭ ارمانى» سپەكتاكلى»، - دەيدى گۇلشارا ءابدىقالىقوۆا.
سونداي-اق مەملەكەتتىك حاتشى قويىلىمنىڭ جاستار ءۇشىن تانىمدىق ءارى تاربيەلىك ماڭىزى زور ەكەنىن ايتتى.
«ابىلاي حان - تاريحي تۇلعا. مەملەكەت باسشىسى ابىلاي حاننىڭ قازاق مەملەكەتتىلىگىن قالىپتاستىرۋدا اتقارعان ءرولى زور ەكەنىن اتاپ ءوتتى. جانىبەك حان مەن كەرەي حاننان كەيىن قازاقتاردىڭ تۋىن كوتەرىپ، ەل ىرگەسىن بەكەمدەگەن وسى ابىلاي حان. حالىقتىڭ قالىپتاسۋىندا ديپلوماتيالىق ءرول ويناعان. سوندىقتان مەن بۇل وتە ماڭىزدى شارا دەپ ويلايمىن. مۇنداي ءىس-شارالار وڭىرلەردە دە، رەسپۋبليكالىق دەڭگەيدە دە بيىل كوپ بولادى»، - دەپ تولىقتىردى مەملەكەتتىك حاتشى.
