وتاندىق عالىمدار جاڭا بيداي تۇرلەرىن ويلاپ تاپتى
بۇلاردىڭ ەرەكشەلىگى بيدايدىڭ تات جانە وزگە دە زياندى اۋرۋلارىنا وتە ءتوزىمدى ەكەن. استىقتىڭ جاڭا تۇقىمدارىن الماتى وبلىسى، جامبىل، وڭتۇستىك قازاقستان ءوڭىرىنىڭ القاپتارىندا وسىرۋگە بولادى.
گەنەتيكا جانە سەلەكتسيا زەرتحاناسى ويلاپ تاپقان بيداي تۇرلەرىن اۋىل شارۋاشىلىعى مينيسترلىگىنىڭ مەملەكەتتىك كوميسسياسى 2-3 جىل بويى سىناقتان وتكىزەدى. ولاردىڭ ساپاسى، اۋرۋلارعا توزىمدىلىگى، شارۋاشىلىق قۇندىلىعى مەن ەكونوميكالىق تيىمدىلىگى زەرتتەلەدى. دەگەنمەن عالىمدار بيدايدىڭ بۇل تۇرلەرى شارۋالاردى مول ماشاقاتتان قۇتقارادى دەگەن سەنىمدە.
الما قوجاحمەتوۆا، بيولوگيا جانە بيو تەحنولوگيا ينستيتۋتىنىڭ زەرتحانا مەڭگەرۋشىسى:
- سۇرىپتاردىڭ ايرىقشا ەرەكشەلىگى ستاندارتتى بيدايمەن سالىستىرعاندا شىعىمدىلىعى 12-20 پايىزعا ارتادى، مۇنىڭ تاعى ءبىر قاسيەتى سارى جانە قوڭىر تات سياقتى زياندى اۋرۋلارعا ءتوزىمدى بولىپ كەلەدى. بۇل 30 پايىزعا جۋىق قارجىنى ۇنەمدەۋگە مۇمكىندىك بەرەدى.
وتاندىق بيولوگتار بيداي سۇرىپتارىن ماركەرلى مولەكۋليارلىق تاسىلمەن العان. ال اتاۋدى ۇزاق تاڭداپتى. استىققا ادام ەسىمدەرىن بەرگەن سەبەبى، قۇلاققا جاعىمدى ءارى تەز ەستە قالادى دەپ وتىر. ماماندار جاڭا تۇقىمدارعا وزبەكستان جانە قىرعىز ەگىنشىلەرى كوز تىگىپ، سۇرانىس ءبىلدىرىپ وتىرعانىن ايتادى.
جازيرا بەگالى
