جاقىندا «التاي - تۇركى الەمىنىڭ التىن بەسىگى» حالىقارالىق فورۋمى وتەدى
«قازاق حاندىعىنىڭ 550 جىلدىعىن مەرەكەلەۋ اياسىندا وبلىستا «التاي - تۇركى الەمىنىڭ التىن بەسىگى» ، «بىرلىگىمىز جاراسقان» ەتنوفەستيۆالى سياقتى ءىرى حالىقارالىق شارالار وتەدى، ى. دوسحان ۇلى اتىنداعى قازاق كۇرەسى، ت. اتايەۆ اتىنداعى دزيۋدو بويىنشا سپورت تۋرنيرلەرى جوسپارلانعان»، - دەدى ج. ومار.
وبلىستا 40 شارا جوسپارلانعان. «قازاق حاندىعى» كارتينالارى كورمەسىن، قازاقتىڭ كوشپەندى ەتنوگرافياسى مەن مادەنيەتىنىڭ كيىز ءۇي ۇلگىلەرى بايقاۋى، قازاق حاندىعى تاريحى تۋرالى اقپاراتتىق- اعارتۋ باعدارلاماسى، «تاعىلىمدى تاريح» جاستار فورۋمىن وتكىزۋ جوسپارلانعان.
«بۇل مەرەيتويلىق شارا جايدان- جاي وتكىزىلىپ جاتقان جوق، سونى حالىق ساناسىنا ءسىڭىرۋىمىز قاجەت. جاستاردا بەس عاسىرلىق تاريحىمىز جايلى تۇسىنىك قالىپتاسۋى ءتيىس»، - دەپ قوستى اكىم ورىنباسارى.
قازاق حاندىعى تاريحىن ناسيحاتتاۋعا تەاتر، مۇراجاي، كىتاپحانا ءوز ۇلەستەرىن قوسادى.
بارلىق قالالار مەن اۋداندارداعى مادەنيەت، ءبىلىم بەرۋ مەكەمەلەرىندە تاقىرىپتىق مادەني- بۇقارالىق، اقپاراتتىق- تانىمدىق شارالار وتەدى.
وبلىس دەلەگاتسياسى تارازدا تامىزدا قورىتىندى مەرەيتويلىق شاراعا قاتىسادى.
