اتىراۋداعى پوليپروپيلەن قاپ شىعاراتىن زاۋىت ونىمدەرى ەۋروپا رىنوگىندا سۇرانىسقا يە بولا باستادى

اتىراۋ. قازاقپارات - ۇدەمەلى يندۋستريالىق - يننوۆاتسيالىق دامۋ مەملەكەتتىك باعدارلاماسى اياسىندا قۇرىلعان اتىراۋلىق كاسىپورىن ءوز ءونىمىن كەڭەيتۋ ۇستىندە.

اتاپ ايتقاندا، 2014-جىلى ىسكە قوسىلعان پوليپروپيلەن قاپ شىعاراتىن زاۋىت تابىستى جۇمىس ىستەپ قانا قويماي، وزگە ءونىم تۇرلەرىن دايىنداۋدى دا قولعا الدى.

كاسىپورىننىڭ كەلەشەگى دە جارقىن. ول وسى وڭىردەگى قاراباتانعا جاقىن ماڭدا ەلىمىزدەگى العاشقى گازحيميا كەشەنى قۇرىلىسىنىڭ باستالۋىنا بايلانىستى. بۇل اتىراۋلىق ءونىمدى بۇرىنعىدان دا باسەكەگە قابىلەتتى ەتەدى. سونداي-اق شيكىزات جەرگىلىكتى بولادى، ياعني كولىككە تولەۋ ماسەلەسى شەشىمىن تابادى.

زاۋىت ايىنا 120 توننا پوليپروپيلەن ساتىپ الۋدى جوسپارلاپ وتىر. بۇنداي مولشەر زاۋىتتىڭ جوبالىق قۋاتى - ۇنعا، قانتقا جانە وزگە دە ونىمدەرگە ايىنا 1 ميلليون دانا قاپ شىعارۋعا ەسەپتەلگەن. ونىڭ ۇستىنە تاۋ كەن ونەركاسىبىنىڭ قاجەتىنە وراي 30 مىڭ دانا جۇمساق كونتەينەر شىعارۋ دا قاجەت.

قازىرگى ۋاقىتتا زاۋىتتا 185 ادام جۇمىس ىستەۋدە. اعىمداعى جىلى كاسىپورىن 4 ميلليون ەۆرو قارجى سالادى. جاڭا سەحتار سالىنادى جانە ءونىم ءوندىرۋدى ءۇش ەسە ارتتىراتىن سەح ىسكە قوسىلادى.