06:06, 04 - اقپان 2015 | GMT +6
باس ءمۇفتي مارافونشىمەن كەزدەستى
استانا. قازاقپارات - استانادا قازاقستان مۇسىلماندارى ءدىني باسقارماسىنىڭ ءتوراعاسى ەرجان قاجى مالعاجى ۇلى مەككەگە جاياۋ بارىپ كەلگەن بەلگىلى مارافونشى دۋلات يمانقاجىنى قابىلدادى.
مارافونشى سالاۋاتتى ءومىر سالتىن قالىپتاستىرۋداعى ماقساتى جايلى باس مۇفتيگە بايانداپ بەردى. 50 جاستى ەڭسەرگەن ەلوردا تۇرعىنى 10 جىلدان بەرى جۇگىرۋدى سەرىگىنە اينالدىرعان. ەرجان قاجى مالعاجى ۇلى جۇگىرۋدىڭ پايداسى جايلى ايتقان پايعامبار حاديسىنەن الار ءتالىم مەن تاربيە جايلى اڭگىمەلەي كەلە، سپورتپەن شۇعىلدانۋدى جاستار اراسىندا كوبىرەك ناسيحاتتاۋ قاجەتتىگىن جەتكىزدى.
مارافونشى ءدىني باسقارمانىڭ «ءدىن مەن ءداستۇر» جىلى اياسىندا ۇيىمداستىرعان سپورتتىق شارالارىن قولدايتىنىن جانە بولاشاقتا مۇنداي يگىلىكتى ىستەرگە اتسالىساتىنىن مالىمدەدى. باس ءمۇفتي قازاق حاندىعىنىڭ 550 جىلدىعىنا وراي ەلىمىزدىڭ كيەلى دە قاسيەتتى ورىندارىن جاياۋ زيارات ەتۋ تۋرالى ۇسىنىسىن ءبىلدىردى. دۋلات يمانقاجى بۇل يگى جوبانى تولىق قولدايتىنىن جەتكىزدى.
baq.kz
