قازاق حاندىعىنىڭ مەرەيتويىنا تارازدا جۇمسالاتىن ميللياردتاعان شىعىن تۋرالى تۇسىنىك بەرىلدى
Tengrinews.kz ءتىلشىسىنىڭ رەسمي ساۋالىنا بەرگەن جاۋابىندا ۆەدومستۆو وكىلدەرى قارجىنىڭ تويلاۋعا عانا ەمەس، قالا ينفراقۇرىلىمىن جاقسارتۋعا، ونىڭ ىشىندە جول جوندەۋگە جۇمسالاتىنىن ايتتى. ايتا كەتەيىك، قازاق حاندىعىنىڭ قۇرىلعانىنا بيىل 550 جىل تولىپ وتىر.
ۆەدومستۆونىڭ مالىمەتىنشە، شىعىن جوسپارىن جامبىل وبلىسىنىڭ اكىمدىگى جاسادى. شەنەۋنىكتەر شىعىننىڭ تۇپكىلىكتى سوماسىنىڭ ازىرشە بەكىتىلمەگەنىن ايتتى. قازىرگى ۋاقىتتا جوسپاردى رەسپۋبليكالىق بيۋجەت كوميسسياسىندا قاراستىرىپ بەكىتۋ كوزدەلىپ وتىر. مينيسترلىك وكىلدەرى باستى شارالاردىڭ 2015-جىلدىڭ قىركۇيەك ايىندا وتەتىنىن حابارلادى.
ولاردىڭ ايتۋىنشا، بۇل قارجى تويلاۋعا عانا ەمەس، سونىمەن قاتار قالا ينفراقۇرىلىمىن جاقسارتۋعا، ناقتىراق ايتساق، تاراز قالاسىنىڭ كوشەلەرىندەگى جولداردى جوندەۋگە جۇمسالاتىنىن ايتتى. جوسپارلانعان سومانىڭ باسقا قارجى كوزدەرىنەن قاراستىرىلۋى دا مۇمكىن.
ەسكە سالا كەتەيىك، وسىعان دەيىن قازاق حاندىعىنىڭ مەرەيتويىنا ارنالعان نەگىزگى شارالاردىڭ استانا مەن تاراز قالالارىندا وتەتىنى بەلگىلى بولعان ەدى. شىعىننىڭ جالپى كولەمى - 22,79 ميلليارد تەڭگەدەن استام. سونىمەن بىرگە بۇعان دەيىن كەيبىر تاريحشىلاردىڭ قازاق حاندىعىنىڭ تارازدا ەمەس، قازىرگى الماتى وبلىسىنىڭ اۋماعىندا قۇرىلعانىن مالىمدەگەنىن دە ايتا كەتەيىك. بولجام بويىنشا، كەرەي مەن جانىبەك مەملەكەتتىڭ نەگىزىن ءدال وسى جەردە قالاعان. وسىعان بايلانىستى عالىمدار مەرەيتويدى الماتىدا وتكىزۋ ءجون بولاتىنى تۋرالى پىكىر ايتتى.
