استاناداعى قاللەكي تەاترى «ابىلاي حاننىڭ ارمانى» تاريحي دراماسىن ۇسىنادى
اتالمىش قويىلىمدى ق ر مەملەكەتتىك حاتشىسى گ. ءابدىقالىقوۆا باستاعان مەملەكەت جانە قوعام قايراتكەرلەرى تاماشالايدى، دەپ كۇتىلۋدە.
قازاق حاندىعىنىڭ 550 -جىلدىعىن تويلاۋ اياسىندا «ابىلاي حاننىڭ ارمانى» اتتى تاريحي دراماسى ازداعان وڭدەۋدەن ءوتىپ، كورەرمەنگە قايتا ۇسىنىلادى. اۆتورى - بەلگىلى جازۋشى، جۋرناليست، زەرتتەۋشى، دراماتۋرگ دۋمان رامازان، رەجيسسەرى - قازاقستاننىڭ ەڭبەك سىڭىرگەن قايراتكەرى بولات ۇزاقوۆ. بۇل د. رامازان مەن ب. ۇزاقوۆ شىعارماشىلىعىنداعى ەكىنشى تاريحي تۋىندى بولماق. بۇعان دەيىن 2010 -جىلى دراماتۋرگ پەن رەجيسسەر ۇندەستىگىندە «كەنەسارى - كۇنىمجان» اتتى تاريحي دراما دۇنيەگە كەلىپ، بۇگىنگى تاڭعا دەيىن كورەرمەننىڭ سۇرانىسىنا يە قويىلىمنىڭ ءبىرى بولىپ تابىلادى.
«ابىلاي حاننىڭ ارمانى» ابىلاي حاننىڭ جوڭعار تۇتقىنىنا تۇسكەن كەزىنەن باستالادى. ابىلاي حاننىڭ قازاق حالقىن ءومىر وتكەلەگىنەن قالاي امان- ەسەن الىپ شىققانى باياندالادى. ەگەر سول كەزدە ابىلايحان جۇرگىزگەن ۇلى ساياسات بولماسا، قازاقتاردىڭ دا جوڭعارلاردىڭ كەبىن كيىپ، جەر بەتىنەن ۇلت رەتىندە جويىلىپ كەتۋى كامىل ەدى!..
بۇل شىعارمادا ۇلى حاننىڭ كوشباسشىلىق قاسيەتىمەن بىرگە، ادامي بولمىس- ءبىتىمى، سارابدال قايراتكەرلىگى، سۇڭعىلا ساياساتكەرلىگى، اسقان اقىل- پاراساتتىلىعى، ەرجۇرەك باتىرلىعى جان- جاقتى قىرىنان اشىپ كورسەتىلەدى.
ابىلاي حاننىڭ رولىندە «قاسىم» تەلەفيلمىندە قازاقستاننىڭ حالىق قاھارمانى - قاسىم قايسەنوۆتىڭ، ە. جۋاسبەكتىڭ «تەرەڭ تامىرلار» اللەگوريالىق دراماسىندا ەلباسى نۇرسۇلتان نازاربايەۆ سىندى كەسەك تۇلعالاردى سومداپ جۇرگەن تالانتتى اكتەر قۋاندىق قىستىقبايەۆ ونەر كورسەتەدى.
