الماتى وبلىسىندا ق ح ا جىلىنا وراي ءبىرقاتار شارالار ۇيىمداستىرىلادى
بۇل شاراعا 2000 نان استام جەتىسۋلىقتار مەن قالا قوناقتارى قاتىسادى. سينحرون- اكسيا وبلىسىمىزدىڭ بارلىق قالالارى مەن اۋداندارىندا ءبىر مەزگىلدە وتەدى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن.
«قازاقستان-2050» ستراتەگياسى، قازاقستان حالقى اسسامبلەياسىنىڭ 2020 - جىلعا دەيىنگى دامۋ تۇجىرىمداماسى ەلباسىنىڭ بەيبىتشىلىك جانە كەلىسىم، «ءبىر ەل، ءبىر حالىق» ساياساتىنىڭ قاعيداتتارىنا نەگىزدەلگەن.
«بەيبىتشىلىك پەن كەلىسىم جول كارتاسى» مەگا-جوباسى اياسىندا - «20 ىزگى ءىس» ەستافەتاسىنىڭ سيمۆولى اقسۋ اۋدانىنىڭ وكىلدەرىنە تاپسىرىلادى. جىل اياسىندا 80 گە جۋىق شارا وتكىزۋ جوسپارلانعان.
وبلىستىق قازاقستان حالقى اسسامبلەياسىنىڭ حاتشىلىعىنان باسقا، 7 وبلىستىق باسقارما، اۋدان، قالا اكىمدىكتەرى جانە ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى مەن «دوستىق ءۇيى - قوعامدىق كەلىسىم ورتالىعى» كوممۋنالدىق مەملەكەتتىك مەكەمەسى ارنايى ءىس-شارالار وتكىزۋدى كوزدەپ وتىر.
وبلىستىق باسقارمالار وتكىزەتىن شارالار قاتارىندا وبلىستىق تىلدەردى دامىتۋ باسقارماسى وزگە ۇلت وكىلدەرىنىڭ اراسىندا «ءتىل - تاتۋلىق تىرەگى» مەملەكەتتىك ءتىلدى ءبىلۋ بايقاۋىن؛ وبلىستىق مادەنيەت، مۇراعاتتار جانە قۇجاتتاما باسقارماسى - ناۋرىز مەيرامى مەرەكەلىك سالتاناتى ءىس- شارالارىن؛ وبلىستىق جاستار ماسەلەلەرى جونىندەگى باسقارماسى - «جاسىل ەل» باعدارلاماسى اياسىندا اعاش وتىرعىزۋدى، اۋماقتى تازالاۋ جانە اباتتاندىرۋدى ۇيىمداستىرادى، قازاقستان حالقى اسسامبلەياسى جىلىنا ارنالعان «Voice-2015» ۆوكالدى بايقاۋى وتەدى.
ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ بازاسىندا قازاقستان حالقى اسسامبلەياسىنىڭ قۇرىلۋىنا، اباي قۇنانبايەۆتىڭ 170 جىلدىعىنا ارنالعان عىلىمي-تاجىريبەلىك كونفەرەنسيالار، ۋنيۆەرسيتەتتىڭ جانىنداعى ورىس حالىق اسپاپتارى انسامبلىنىڭ 30 جىلدىعىنا ارنالعان مادەني-كوپشىلىك شارا ۇيىمداستىرىلادى.
سونىمەن قاتار ش. ءۋاليحانوۆتىڭ 180 جىلدىعىنا وراي «ماڭگى وشپەس جارىق جۇلدىز» اتتى حالىقارالىق ءىس-شارالار كەشەنى، سونداي-اق قازاق حاندىعىنىڭ 550 جىلدىعىنا، ۇلى وتان سوعىسىنداعى جەڭىستىڭ 70 جىلدىعىنا ارنالعان «دوڭگەلەك ۇستەل»، فورۋمدار، كەزدەسۋلەر ءتۇرلى ەتنوس وكىلدەرىنىڭ قاتىسۋىمەن وتكىزىلەدى.
