پەتروپاۆلدا جاڭا قۋاتتى تۋربينانى ىسكە قوسادى

  پەتروپاۆل. قازاقپارات - پەتروپاۆلدا تەتس-2-دە 2015 -جىلى جاڭا تۋربينا ىسكە قوسىلماق، ول ستانسا قۋاتىن ەكى ەسەگە ارتتىرۋعا مۇمكىندىك بەرەدى. بۇل تۋرالى «سەۆكازەنەرگو» اق باسپا ءسوز قىزمەتى حابارلادى.

«2015 -جىلى ەنەرگەتيكتەردە جوسپار كوپ، جوندەۋدەن وتكەن №12 قازاندىق اگرەگاتى مەن جاڭا №1 تۋربينا ىسكە قوسىلادى. №1 ستانسالىق قۇبىر اگرەگاتىن اۋىستىرۋ جۇمىستارى 2015 -جىلى قازاندا اياقتالۋى ءتيىس. 2015 -جىلدىڭ سوڭىندا ستانسانىڭ بەلگىلەنگەن قۋاتى 347 مۆت- دان 455 مۆت- عا دەيىن ارتادى» ، - دەلىنگەن حابارلامادا.

پەتروپاۆل تەتس-2-دە «تاريفتى ينۆەستيتسياعا الماستىرۋ» باعدارلاماسى قولعا الىنعان بەس جىلدا جابدىقتاردىڭ توزۋى 22 پايىزعا (89 دان 67 پايىزعا دەيىن) تومەندەدى. 2016 -جىلعا دەيىن بۇل كورسەتكىشتى 59 پايىزعا دەيىن قىسقارتۋ كوزدەلگەن.