قازاقستان- قىتاي بايلانىستارىن دامىتۋدىڭ بىرنەشە مۇمكىندىكتەرى مەن باعىتتارى بار - ۆيسە- مينيستر

استانا. قازاقپارات - بۇل تۋرالى بۇگىن استانادا قازاقستان- قىتاي ينۆەستيتسيالىق ارىپتەستىگى بويىنشا وتىرىسىندا ق ر ينۆەستيتسيا جانە دامۋ ۆيسە- ءمينيسترى ەرلان ساعاديەۆ ءمالىم ەتتى.

 «قازاقستان مەن قىتاي اراسىنداعى بايلانىستاردىڭ جاڭا كەزەڭى باستالدى. بۇل قارىم- قاتىناس ەكى ەلدىڭ كومپانيالارى سالعان جەتىستىك. قازاقستان مەن قىتايدىڭ ىسكەرلىك توپتارىنىڭ ارقاسىندا كوپتەگەن جوبالار قولداۋ تاۋىپ وتىر. قىتاي قازاقستاننىڭ باسىم جوبالارىنا قولداۋ كورسەتىپ كەلە جاتقان ۇلكەن ستراتەگيالىق ارىپتەس. مۇناي- گاز، حيميا، كولىكتىك، تاۋ- كەن، مەتاللۋرگيا، سونداي- اق ەنەرگەتيكا سالالارىنداعى بىرلەسكەن جوبالار قىتايمەن اراداعى قارىم- قاتىناستاردىڭ لوكوموتيۆى بولىپ وتىر. ەندى قازىر ءبىز بۇل ارىپتەستىكتى ودان بيىك دەڭگەيگە كوتەرگىمىز كەلەدى. ەكىجاقتى بايلانىستاردى دامىتۋدىڭ بىرنەشە مۇمكىندىكتەرى مەن باعىتتارى بار»، - دەپ اتاپ ءوتتى ول. 

 سونىمەن قاتار ۆيتسە- مينيستر «قازاقستاننىڭ يندۋستريالاندىرۋ باعدارلاماسىنا قىتايلىق تاراپ بەلسەندى قاتىسۋى قاجەت» ەكەندىگىن ەرەكشە اتادى.

 «ءبىز پرەزيدەنتتىڭ تاپسىرماسىنا سايكەس، ەلدە ۇدەمەلى يندۋستريالاندىرۋدى باستاعان بولاتىنبىز. قىتاي بۇل جوبالارعا وتە تياناقتى قاراپ، ونەركاسىپتىك جوبالارعا وتە ۇلكەن قولداۋ جاساپ كەلەدى، سول ءۇشىن ولارعا ۇلكەن العىس بىلدىرەمىز. قازاقستان بۇگىندە قىتاي ءۇشىن جاڭا مۇمكىندىكتەر اشادى. ءىرى، ورتا كومپانيالار رەسەيمەن جانە بەلارۋسپەن قۇرىلعان ءبىرىڭعاي ەكونوميكالىق كەڭىستىك اياسىندا اۋقىمدى نارىققا يە بولا الادى. ەۋرازيالىق وداق اياسىنداعى ەلدەر ىشىندە ءبىز ءبىرسىپىرا باسەكەگە قابىلەتتىمىز. سەبەبى ءبىزدىڭ ەلدە ماكرو ەكونوميكالىق، ساياسي جانە الەۋمەتتىك تۇراقتىلىق بار. ينۆەستيتسيالىق مۇمكىندىكتەر مەن جاعدايلار دا بىرشاما جاقسى»، - دەدى ە. ساعاديەۆ.

 ونىڭ سوزىنە قاراعاندا، بارلىق ينۆەستورلار ءۇشىن ينۆەستيتسيالىق جاعدايلار جاقسارا بەرەتىن بولادى.

«بۇكىلالەمدىك ەكونوميكالىق فورۋمنىڭ جاھاندىق باسەكەگە قابىلەتتىلىك رەيتينگىندە قازاقستان 50- ورىندا تۇر. ۇكىمەت ينۆەستيتسيالىق احۋالدى جاقسارتۋعا، پروتسەدۋرالاردى ازايتۋعا جانە جاڭا زاڭداردى قابىلداۋ بويىنشا جۇمىستاردى جاساپ كەلەدى. بۇل ينۆەستيتسيالىق تۇرعىدا ەڭ تارتىمدى الەمنىڭ 30 ەلدەرىنىڭ قاتارىنا ەنۋ ماقساتىندا جاسالۋدا. اتالعان باعدارلاما وتە اۋقىمدى، ءبىز ونىمەن وتە مۇقيات جۇمىس جاساۋدامىز. ينۆەستورلار ءۇشىن ينۆەستيتسيالىق جاعدايلار جاقسارا بەرەدى»، - دەپ ءتۇيدى ءسوزىن ۆيسە- مينيستر.