اۆستراليالىق بالىقشىلار سيرەك كەزدەسەتىن جىلان پىشىندەس اكۋلانى اۋعا ءتۇسىردى - فوتو

استانا. قازاقپارات - اۆستراليانىڭ وڭتۇستىك-شىعىس جاعالاۋىنان جەرگىلىكتى بالىقشىلار وتە سيرەك كەزدەسەتىن اكۋلا ءتۇرىن تاۋىپ الدى. بۇل جايىندا National Geographic اقپارات كوزى حابار تاراتتى.

بۇل اكۋلانىڭ دەنە تۇرقى سوڭعى 80 ميلليون جىل بۇرىنعى قالپىنان ەش وزگەرمەگەن. ياعني، عالىمداردىڭ ايتۋىنشا، وسىدان 80 ميلليونداي جىل بۇرىن وسى جىرتقىش بالىق پايدا بولعان.

قوشقىل ءارى قوڭىر ءتۇستى اكۋلانىڭ دەنە تۇرقى جىلاندىكىنە ۇقساس بولىپ كەلەدى ءارى تىستەرى ۇساق بولعانىمەن اسا ۇشكىر كەلەدى. اكۋلانىڭ ۇزىندىعى ەكى مەترگە دەيىن جەتۋى مۇمكىن. بالىقشىلاردىڭ اۋىنا ءتۇسىپ قالعان اكۋلانىڭ ۇزىندىعى دا وسىنداي.

اۆستراليانىڭ وڭتۇستىك-شىعىس بالىق اۋلاۋ قاۋىمداستىعىنىڭ اتقارۋشى ديرەكتورى سايمون بوۋگتىڭ ءوزى مۇنداي ولجاعا تاڭعالعانىن جاسىرمادى: «مىنا بالىق وزگە ۋاقىت ولشەمىنەن كەلگەندەي كورىنەدى. راسىمەن دە، وعان 80 ميلليون جىل بولعان شىعار. ونى بالالارىما ۇيىقتار الدىندا كورسەتپەس ەدىم»، - دەدى ول تىلشىلەرگە.