07:36, 28 - قاڭتار 2015 | GMT +6
قازاق حاندىعى تۋرالى تۇڭعىش مونوگرافيا جارىق كوردى
استانا. قازاقپارات - تاراز قالاسىندا قازاق حاندىعى تۋرالى تۇڭعىش مونوگرافيا جارىق كوردى. كىتاپتىڭ تۇساۋكەسەرى تۇركىستان ولكەسىنىڭ تاريحىن زەرتتەيتىن ءجۇسىپ بالاساعۇن اتىنداعى ورتالىقتا ءوتتى.
كىتاپ «قازاق حاندىعىنىڭ قۇرىلۋ تاريحى» دەپ اتالادى. اتالعان ەڭبەكتىڭ اۆتورى پروفەسسور، تاريح عىلىمدارىنىڭ دوكتورى بەرەكەت كارىبايەۆ.
مەرەيتوي قارساڭىندا شىققان عىلىمي ەڭبەكتە، khabar.kz كەلتىرگەن دەرەكتەر بويىنشا، قازاق حاندىعىنىڭ قۇرىلۋ بارىسى مەن تاريحي كەزەڭدەرى جازىلادى. سونداي-اق ەتنيكالىق جانە ساياسي ماسەلەلەر دە تەرەڭ زەرتتەلگەن. اۆتور كىتاپتى شىعىس دەرەكتەرىنەن العان مالىمەتتەرگە سۇيەنە وتىرىپ جازعان.
