قازاق حاندارى مەن باتىرلارى جايىندا انيماتسيالىق فيلم كورەرمەندەرگە جول تارتادى

استانا. قازاقپارات - قازاق حاندارى مەن باتىرلارى تۋرالى انيماتسيالىق فيلم تۇسىرىلۋدە.

بۇگىن ورتالىق كوممۋنيكاتسيالار قىزمەتىندەگى بريفينگتە ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا وسىلاي ايتتى.

«ەل اماناتى» اتتى ءارقايسىسى 10 مينۋتتى قامتيتىن التى ءبولىمدى انيماتسيالىق فيلم تۇسىرەيىن دەپ جاتىرمىز. ول انيماتسيالىق فيلمدەردە كەرەي مەن جانىبەك حانداردى جاستىق شاقتارى مەن حان كەزدەرى سۋرەتتەلمەك»، - دەدى ا. رايىمقۇلوۆا.

 دەپارتامەنت باسشىسىنىڭ سوزىنە قاراعاندا، بۇعان قوسا قازاق ءۇشىن قاسيەتتى قۇجات، ياعني «جەتى جارعىنى» قابىلداعان تاۋكە حان جايىندا، سونىمەن قاتار ابىلاي حان، ناۋرىزباي، قابانباي، بوگەنباي باتىرلارىمىز، اڭىراقاي شايقاسى تۋرالى وسى التى ءبولىمدى انيماتسيالىق فيلم دايىندالۋ ۇستىندە.

 بۇدان بۇرىن حابارلانعانداي، بۇگىندە قازاق حاندىعى تۋرالى سەريال تۇسىرۋگە دايىندىق جۇمىستارى ءجۇرىپ جاتىر. وندا جانىبەك پەن كەرەي حاندىعىنان كەنەسارى حانعا دەيىنگى كەزەڭ قامتىلادى.

اۆتور: رۋسلان عابباسوۆ