14:02, 24 - قاڭتار 2015 | GMT +6
ءابىلقايىر حاننىڭ قولجازباسى
استانا. قازاقپارات - شەجىرەلى تاريحتىڭ قۇندى جادىگەرلەرىنىڭ ءجونى بولەك قوي. اتىراۋ وبلىستىق سوتىندا اشىلعان مۇراجايعا بيلەر تورەلىك ەتكەن كەزەڭنەن بەرگى سوت بيلىگىنىڭ قالىپتاسۋىنان سىر شەرتەتىن جادىگەرلەر مولىنان قويىلعان.
مۇراجايدان سوت بيلىگىن ىسكە اسىرۋعا قاتىستى ءتۇرلى قۇجاتتاردى، جارلىقتار مەن قىلمىستىق ىستەردىڭ جازبالارىن كورۋگە بولادى.
سونىمەن قاتار، ءار جىلدارى جۇمىس جاساعان سۋديالاردىڭ كيىمدەرى مەن توسبەلگىلەرىن، مورلەرى مەن باسقا تۇتىنعان زاتتارىن كورۋگە بولادى. سارعايا باستاعان ەسكى فوتوسۋرەتتەر دە، سيا ساۋىت پەن پاتەفون دا، ديسكىلى تەلەفون مەن تەرۋ ماشينكاسى دا، Samsung ماركالى العاشقى كومپيۋتەر دە اتالعان مۇراجايدىڭ تاريحي جادىگەرىنە اينالىپتى.
مۇنداعى قۇندى ءارى تاريحي جادىگەردىڭ ءبىرى رەتىندە ءابىلقايىر حاننىڭ 1731 - جىلى رەسەي يمپەراتورى اننا يواننوۆناعا ارناپ جازعان حاتىن ايتۋعا بولادى. حاننىڭ حاتى جازىلعاننان بەرى كوپ ۋاقىت وتسە دە ساقتالۋىندا ءمىن جوق.
جولداسبەك شوپەعۇل،
«ەگەمەن قازاقستان»
