تاراز تۇرعىنى شىعىنسىز جىلىتاتىن قازاندىق ويلاپ تاپتى
ونىڭ ەرەكشەلىگى - قورشاعان ورتانى لاستامايدى. پەشكە وتىننىڭ ەكى ءتۇرى - گاز بەن كومىر پايدالانىلادى. قازىر ونەرتاپقىشتىڭ بۇل قۇرىلعىسىن كەيبىر اۋداندار مەن اۋىل مەكتەپتەرى پايدالانۋدا.
ت. قىپشاقبايەۆ اتالمىش قازاندىقتى وسىدان 17 جىل بۇرىن جاساعان. كەيىن پەشتى ويلاپ تابۋشى رەتىندە زاڭدى تۇردە قۇجات جاساتىپ العان. كادىمگى قازاندىقتاردان وزگەشەلىگى - ەلەكتر ەنەرگياسىن تۇتىنبايدى. اۆتوردىڭ ايتۋىنشا، ونىڭ تۋىندىسىن بۇل كۇندە سارىسۋ، تالاس اۋدانى مەن قاراتاۋ قالاسىنىڭ ءتۇرلى مادەني وشاقتارى ورناتىپ العان. سونىمەن قاتار بەساعاش اۋىلىنىڭ 50 گە جۋىق تۇرعىنى پايدالانىپ وتىر.
ال ايماقتىق كاسىپكەرلەر پالاتاسىنداعىلار بۇل باستاماعا ءبىر جىل بۇرىن عانا ءمان بەرىپتى. الداعى ۋاقىتتا حالىق تەگىس تۇتىنۋ ءۇشىن جوبانى ءالى دە جەتىلدىرۋ كەرەك ەكەن. قازىر ونەرتاپقىش وسى باعىتتا ەڭبەكتەنىپ جاتىر، دەپ حابارلايدى 24.kz.
