سپورت: ەليزابەت تاعى دا جەڭىسكە جەتتى

قىزىلوردا. قازاقپارات - ۇستىمىزدەگى جىلدىڭ 7-11- قاڭتار ارالىعىندا پولشانىڭ تورۋن قالاسىندا مانەرلەپ سىرعاناۋدان «Mentor Nestle Torun Cup» حالىقارالىق تۋرنيرى ءوتىپ جاتىر. سايىستا جەكەلەي سىرعاناۋ باعدارلاماسىندا سىنعا تۇسكەن ەليزابەت تۇرسىنبايەۆا كەزەكتى جەڭىسىنە قول جەتكىزدى.

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن حابارلادى.

اتالعان تۋرنير - جىل سايىن يسۋ (حالىقارالىق كونكي تەبۋ وداعى) كەستەسىنە ەنەتىن جارىستاردىڭ ءبىرى. ءدۇبىرلى دوداعا قاتىسۋشىلار جەكەلەي سىرعاناۋ، جۇپتاسىپ سىرعاناۋ جانە مۇز ۇستىندەگى ءبي باعدارلامالارى بويىنشا باق سىنايدى.

وندا سپورتشىمىز قازاقستاننىڭ نامىسىن قورعاعان جالعىز مانەرلەپ سىرعاناۋشى بولدى. ەليزابەت بۇل جەڭىسىن قازاقستان بالالارىنا ارناپ، وتانداستارىن جاڭا جىلمەن قۇتتىقتادى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن حابارلادى.

ەليزابەت ەندى ناۋرىز ايىنىڭ باسىندا مانەرلەپ سىرعاناۋدان جاستار اراسىندا وتەتىن الەم چەمپيوناتىنا قاتىسادى.