بەيجىڭ سوتى شىڭ لۇڭنىڭ ۇلىنا بايلانىستى جاڭا ۇكىم شىعاردى

استانا. قازاقپارات - جۇما كۇنى بەيجىڭ قالاسىنىڭ سوتى تانىمال اكتەر شىڭ لۇڭننىڭ بالاسىنا التى ايعا تۇرمەگە قاماۋ جازاسىن شىعاردى.

جەلتوقسان ايىندا پروكۋراتۋرا 32 جاستاعى دجەيسي چانعا ەسىرتكى پايدالانعانى ءۇشىن ايىپ تاققان بولاتىن. «ول سوتتالدى. التى ايعا تۇرمەگە قامالىپ، ەكى مىڭ يۋان (320 ا ق ش دوللارى) كولەمىندە ايىپپۇل تولەيدى»، - دەگەن سوت ۇكىمىن كەلتىرەدى فرانس پرەسس اگەنتتىگى.

فان سزۋمين ەسىمىمەن بەلگىلى دجەيسي چان قىركۇيەكتە بەيجىڭدە ءوزىنىڭ دوسى - تايۆاننىڭ تانىمال اكتەرى، 23 جاستاعى كە چجەندۋنمەن بىرگە قولعا ءتۇستى. ولاردى ەسىرتكىگە تەستىلەۋ وڭ قورىتىندى بەردى. پوليتسيا دجەيسيدىڭ پاتەرىن تەكسەرىپ، ىشىنەن 100 گرام ماريحۋانا تاپقان.

2009-جىلى شىڭ لۇڭ قىتايدىڭ ەسىرتكىمەن كۇرەس بويىنشا ۇلتتىق كوميتەتىنىڭ ءتوراعاسى بولىپ تاعايىندالدى، ونىڭ مىندەتى - ەلدەگى ەسىرتكىگە قارسى كۇرەستى جانداندىرۋ. وسى وقيعاعا بايلانىستى ول ۇلىنىڭ ارەكەتتەرى ءۇشىن جاۋاپكەرشىلىكتى ءوز موينىنا الاتىنىن ءمالىم ەتتى.