قاي اۋرۋعا بولسا دا قارسى تۇراتىن قايىڭ شىرىنى تۋرالى بىلەمىز بە؟

استانا. قازاقپارات - ا ق ش عالىمدارى قايىڭ شىرىنىنىڭ پايدالىلىعىن انىقتاعالى بۇل ەلدە اتالعان تابيعي سۋسىن قازىر تاپتىرماس تاۋارعا اينالعان. ونى بارلىق سپورت زالداردا، مەيرامحانالار مەن ءدامحانالاردا ءتىپتى، جانار- جاعار ماي بەكەتتەرىندە دە ساتادى،

 دەپ جازادى روس بالت جەرگىلىكتى ب ا ق- قا سىلتەمە جاساي وتىرىپ.

 سونداي- اق، بريتانيانىڭ لانكاستەر ۋنيۆەرسيتەتى زەرتتەۋشىلەرى قايىڭ شىرىنى قۇرامىندا س ۆيتامينى، كالتسي، كالي، سينك سەكىلدى پايدالى ەلەمەنتتەر بار ەكەنىن جانە ونىڭ يممۋنيتەتتى كۇشەيتىپ، ادام اعزاسىنىڭ جاسارۋىنا جاردەم ەتەتىنى انىقتاعان.

جالپى، مەديسينادا قايىڭ جاپىراقتارى، قايىڭ شىرىنى، قايىڭنىڭ قابىعى مەن قايىڭ بۇرشىگى ءجيى قولدانىلادى. وسىلاردىڭ بارلىعىنىڭ ادام دەنساۋلىعىنا دەگەن پايداسى تولاسسىز.

مەديتسينالىق وقۋلىقتاردىڭ مالىمەتىنشە، قايىڭ شىرىنى قۇرامىندا ەمدىك زاتتار، ەفير مايلارى، دارۋمەندەر مەن ميكروەلەمەنتتەر جانە 2  پايىز مولشەرىندە جەمىس قانتى بار. 10 نان استام ورگانيكالىق قىشقىلدان تۇراتىن شىرىننىڭ ءبىر گرامىنىڭ تىعىزدىعى - 1,0007-1,0046 م ل- گە تەڭ. حالىقتىق مەديسينا قايىڭ ءسولىن اعزانى نىعايتقىش، ءزار ايداعىش ءدارى رەتىندە قولدانادى. سونىمەن بىرگە قىشىما، تەمىرەتكى نەمەسە بەزەۋ پايدا بولعاندا تەرىگە جاعادى. قايىڭ شىرىنى شاشتىڭ ءتۇسۋىن توقتاتادى. سۋسىن وكپە، بۇيرەك، ريەۆماتيزم اۋرۋلارىنا دا ەم بولا الادى. الەمدە بۇل شىرىندى ءوندىرۋ جونىنەن بەلارۋس، ۋكراينا جانە رەسەي ەلدەرى كوش باستايدى. ك س ر و كەزىندە بۇل ەلدەردە قايىڭ ءسولىن ءوندىرۋدىڭ ۇزاق جىلدىق تاجىريبەسى قالىپتاسقان.