زارينا دياس جىڭ ءسايسايعا ەسە جىبەردى
شيرەك فينالدىق ماتچتا تۋرنيردىڭ ءتورتىنشى راكەتكاسى، 21 جاستاعى زارينا دياس 20 جاستاعى قىتايلىق تەننيسشى جىڭ ءسايسايمەن كەزدەستى.
قازاقستاندىق تەننيسشى قىتاي وكىلىن ءبىرىنشى جەلىدە 6:3 ەسەبىمەن سەنىمدى تۇردە ۇتقان بولاتىن. ال ەكىنشى ويىندا ءىس تاي-برەيككە دەيىن جەتىپ، قىتاي وكىلى - 7:2 ەسەبىمەن باسىمدىق تانىتتى. شەشۋشى جەلىدە قىتايلىق 6:2 ەسەبىمەن جەڭىسكە جەتتى.
زارينا دياس الەمنىڭ 32- راكەتكاسى، ال جىڭ ءسايساي WTA رەيتينگىسىندە 97- ورىندا ەكەنىن اتاپ وتكەن ءجون. تەننيسشىلەردىڭ جەكە قارسىلاسۋىندا ويىن 4:0 ەسەبىمەن قىتاي وكىلىنىڭ پايداسىنا شەشىلدى.
فينالعا شىعۋ ءۇشىن قىتايلىق تەننيسشى تۋرنيردىڭ ءبىرىنشى راكەتكاسى رۋمىندىق سيمونا حالەپ پەن سەربيالىق الەكساندرا كرۋنيچ اراسىنداعى ويىننىڭ جەڭىمپازىمەن ويىن كورسەتەدى. ەسكە سالساق، ءبىرىنشى اينالىم ماتچىندا زارينا دياس حورۆاتيالىق تەنيسشى دوننا ۆەكيچتى 6:3, 6:1 ەسەبىمەن جەڭسە، ەكىنشى راۋندتا ۆەنگريا وكىلى تيمەيا بابوشتى 6:3, 6:4 ەسەبىمەن باسىپ وزعان بولاتىن.
