قازاقستان ازاماتتارىنا ءۇندىستاندا ءبىلىم الۋعا ستيپەنديا ۇسىنىلادى

استانا. قازاقپارات - ءۇندىستان ۇكىمەتى قازاقستان ازاماتتارىنا ءوز جوعارى وقۋ ورىندارىندا ءبىلىم الۋ ءۇشىن 2015-2016-جىلدارعا ارنالعان ستيپەنديا ۇسىنىپ وتىر، - دەپ حابارلايدى Tengrinews.kz ءتىلشىسى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.

ستيپەنديا باكالاۆريات، ماگيستراتۋرا، سونداي-اق، PhD دوكتورانتۋرا دەڭگەيلەرىندە ءبىلىم الۋعا جانە الەۋمەتتىك-گۋمانيتارلىق عىلىم مەن ورىنداۋشىلىق ونەر سالاسىندا عىلىمي تاجىريبەدەن ءوتۋ ءۇشىن بەرىلەدى.

بۇل ستيپەنديانى الۋ ءۇشىن اعىلشىن ءتىلىن ءتيىستى دەڭگەيدە ءبىلۋ قاجەت. سونىمەن قاتار، ۇمىتكەرلەر ماگيستراتۋرا، PhD دوكتورانتۋرا دەڭگەيلەرى بويىنشا بولاشاق عىلىمي جۇمىستارىنىڭ قىسقاشا اننوتاتسياسىن ۇسىنۋى ءتيىس.

قۇجاتتار 2015-جىلدىڭ 15- قاڭتارىنا دەيىن استانا قالاسىنداعى ءۇندىستان ەلشىلىگىنىڭ مادەني ورتالىعىندا قابىلدانادى.