بۇرىن جارىق كورمەگەن رومان باسپاگەرلەردى بايلىققا كەنەلتتى

استانا. قازاقپارات - فرانسيادا جيۋل ۆەرننىڭ «سۋ استىنداعى 20 مىڭ لە» رومانى العاش رەت جاريالاندى، دەپ جازادى ت ا س س.

كىتاپتى باسىپ شىعارعان «سەن پەر» باسپاسى جازۋشى كىتابى ارقىلى وقىرمانداردىڭ جۇرەگىنە جول تاپتى. جاڭا جىل قارساڭىندا شىققان 1 مىڭ دانا 500 بەتتىك كىتاپ قىمباتتىعىنا (190 ەۋرو) قاراماستان، دۇكەندەردە لەزدە ساتىلىپ كەتكەن.

اتاقتى جازۋشى بۇل شىعارماسىن اۋەلى قارىنداشپەن جازىپ، كەيىننەن ءماتىندى قالام ساپپەن تۇزەتكەن. جازۋشىنىڭ قولتاڭباسى انىق بولعاندىقتان، ەجىكتەۋسىز وقىلادى.

جازۋشىنىڭ ءوزى كوزى تىرىسىندە بۇل تۋىندىسىنا ەرەكشە ءمان بەرگەن. دوسى پەر-جيۋل ەتزەلگە جازعان حاتىندا: «ەگەر وسى رومانىم ءساتتى شىقپاسا، جانىم تىنىش تاپپاس. مۇنداي عاجاپ سيۋجەت مەندە كوپتەن بەرى بولماعان»، - دەگەن.

قولتاڭبا روماننىڭ ءبىرىنشى ءبولىمىنىڭ ەكىنشى نۇسقاسى. ونىڭ ءتۇپ نۇسقاسى فرانسيانىڭ ۇلتتىق كىتاپحاناسىندا ساقتالعان.