بابالار ءسوزى: ۇرىشتا قارتتىڭ سىرىمنىڭ قازاسىن ەستىرتۋى
جوبانىڭ نەگىزىنە «مادەني مۇرا» باعدارلاماسى اياسىندا شىققان 100 تومدىق اۋىز ادەبيەتىنىڭ جىر- تولعاۋلارى، قيسسا- داستاندار، ءسوز ۇستاعان شەشەندەر مەن بيلەرىمىزدەن قالعان ناقىلدار، تاريحي جادىگەرلەر الىندى. جوبا ماتەريالدارى قازاق تىلىندە (قازاقشا جانە توتە جازۋمەن) اگەنتتىك سايتىندا جاريالانىپ وتىرادى.
***
سىرىم دات ۇلى حيۋادا ءجۇرىپ قايتىس بولادى، بالا- شاعاسىنا ەستىرتۋگە ەلدىڭ ادامى جينالىپ، ەشبىر قيسىنىن تابا المايدى. ەلدىڭ شەتىنەن ۇرىشتا دەگەن ءبيدى الدىرادى.
«سىرىمنىڭ ءولىمىن قاتىن- بالاسىنا ەستىرتۋ كەرەك بولىپ ءسىزدى الدىردىق، سوعان بارالىق، بارىپ ەستىرتەلىك، ءسىز سونى ايتىڭىز»، - دەيدى حالىق. بارادى، ءبىر- ەكى كۇن قوناق بولعاسىن، قىزمەت ايتىلادى.
- شىراعىم، قازىجان،
قارت اتاڭ سەنىڭ دات ەدى- اۋ،
ەسىمىنە ءىسى لايىق ەمەس،
تەك ءبىر قويعان ات ەدى- اۋ!
ءوزىڭنىڭ اتىڭ قازى ەدى- اۋ،
قىسىڭ دا سەنىڭ جاز ەدى- اۋ!
اكەڭ سەنىڭ سىرىم- دى،
كەبەجە قارىن، كەڭ قۇرساق،
ءىشى تولعان ءبىلىم- ءدى.
تەك قازاق جۇرتى ەمەس،
بيلەگەندەي ەر ەدى- اۋ
قىتاي مەنەن قىرىمدى.
اكەڭ سىرىم امان كەلسە،
سۇيىنشىگە بەرەر مە ەدىڭ،
ولجاتاي مەن سۇگىردى؟
سول سەكىلدى سىرەكەمنىڭ
ارعىماق اتى ءسۇرىندى، -
دەيدى ۇرىشتا قارت.
بۇنى ەستىپ، قازى بي قوناقتارىن تاراتپاي، العاشقى ساداقاسىن بەرىپ قايىرعان دەيدى.
