14:16, 06 - قاڭتار 2015 | GMT +5
گەرمانياعا اعىلىپ كەلىپ جاتقان مۇسىلماندار سانى كۇرت كوبەيىپ وتىر
الماتى. قازاقپارات - گەرمانيا حالقى مۇسىلماندارعا قارسى جاپپاي باس كوتەردى. ەلدىڭ ءبىرقاتار ءىرى قالالارىندا 30 مىڭداي ادام نارازىلىق شەرۋىنە شىقتى. اسىرەسە، درەزدەن قالاسىنىڭ تۇرعىندارى بەلسەندىلىك تانىتتى.
مۇندا قالا كوشەلەرىنە 18 مىڭ ادام شىققان.
ەرەۋىلدى «پەگيدا» اتتى وڭشىل قوزعالىس ۇيىمداستىرعان. «ەۋروپالىقتار باتىستىڭ يسلامدانۋىنا قارسى» دەگەن ۇرانمەن وتكەن شارانىڭ ماقساتى - كوشى- قون زاڭناماسىن كۇشەيتۋ. سەبەبى، كەيىنگى كەزدەرى ەۋروپا ەلدەرىنە اعىلىپ كەلىپ جاتقان مۇسىلماندار سانى كۇرت كوبەيىپ وتىر. دەگەنمەن، «پەگيدا» قوزعالىسىنىڭ ساياساتىنا قارسى نەمىستەر دە بارشىلىق ەكەن. وسى تاراپتان 30 مىڭداي ادام بەرلين، شتۋتگارت، گامبۋرگ جانە ميۋنستەر شاھارلارىندا كەلىمسەكتەردى قولداپ، قارسى ەرەۋىلگە شىقتى.
www.khabar.kz
