08:05, 06 - قاڭتار 2015 | GMT +5
قازاقستاندىق بوكسشى داۋرەن ەلەۋسىنوۆ ەل حەيمونمەن كەلىسىم-شارتقا قول قويدى
استانا. قازاقپارات - 28 جاستاعى جارتىلاي اۋىر سالماقتاعى قازاقستاندىق بوكسشى داۋرەن ەلەۋسىنوۆ كاسىبي بوكستەگى ەڭ ىقپالدى ادام ەل حەيمونمەن كەلىسىم-شارتقا قول قويدى. بۇل تۋرالى boxingscene.com سايتىنا سىلتەمە جاساپ، boxingnews.kz حابارلايدى.
ەل حەيمون كوپتەگەن تانىمال بوكسشىلاردىڭ مەنەدجەرى جانە كەڭەسشىسى، ولاردىڭ اراسىندا اتاپ ايتقاندا، P4P رەيتينگىسىنىڭ كوشباسشىسى فلويد مەيۆەزەر دە بار.
ەسكە سالا كەتەيىك، د. ەلەۋسىنوۆ 2014-جىلعى 3- جەلتوقساندا نيۋ-يوركتە پروفي-رينگتە دەبيۋتتىك سايىسىن وتكىزىپ، جاس اماريكاندىق ەنتوني مەددوندى ءبىرىنشى راۋنددا نوكاۋتقا جىبەردى. قازىرگى كەزدە قازاقستاندىق بوكسشى برۋكليندە (نيۋ-يورك) جاتتىۋدا.
