ءۇي الۋدىڭ ءۇش جولى بار
دەمەۋشىلەردىڭ بۇل قارجىسى جاسوسپىرىمدەردىڭ «تۇرعىن ءۇي قۇرىلىس جيناق بانكىندەگى» تولەم شوتىنا تۇسەدى.
ءبىر مەزەتتە تاعى 12 بالاعا ارنايى شوت اشىلىپ، وعان العاشقى جارنا رەتىندە 100 مىڭ تەڭگە سالىندى.
جيناقتاۋشىلار پايىزدىق ۇستەمەاقىسىن ەسەپتەتەر تۇستا اقتوبە وبلىسىنىڭ اكىمى ارحيمەد مۇحامبەتوۆ «جاسوسپىرىمدەر ءۇيىنىڭ» تاربيەلەنۋشىلەرىن تاعى ءبىر قۋانتتى.
«جاسوسپىرىمدەر ۇيىندە» كەزدەسۋ وتكىزىپ، ءۇي الىپ، شاڭىراق كوتەرەمىن، ەلىمنىڭ دامۋىنا ءوز ۇلەسىمدى قوسامىن» دەپ جۇرگەن جاستارمەن داستارقان باسىنا جينالعانىمىزعا ءۇش جىل تولدى. ءاردايىم سىي جاساپ، تالابى تاۋداي بالالارعا كومەكتەسىپ كەلەمىز.
بۇل عيمارات 2003 - جىلى 310 بالاعا شاقتالىپ اشىلدى. قازىر 55 بالا تاربيەلەنىپ جاتىر. ولاردىڭ باسىم بولىگى ستۋدەنت، 16 سى جۇمىس جاسايتىن جاس. بيىل 26 بالا ورتا، جوعارى وقۋ ورنىن بىتىرسە، ولاردىڭ بەسەۋى ۇزدىك ديپلوم يەسى. ءبىزدى وسى قۋانتادى. ادەتتەگىدەي بيىل دا تالاپتى جاستاردىڭ بانكتەگى شوتى ميلليون تەڭگەمەن تولىعادى. باسپاناعا دەپ اقشا جينايتىندار قاتارى تاعى 12-گە ارتاتىن بولادى»، - دەدى وبلىس اكىمى ا. مۇحامبەتوۆ.
ونىڭ ايتۋىنشا، وڭىردە 280 نەن استام جەتىم مەن اتا-انانىڭ قامقورلىعىنسىز قالعان بالا پاتەر كەزەگىندە تۇر. بيىل جاستايىنان تاعدىرىنىڭ تەپكىسىنە ۇشىراعانداردىڭ 33 ى پاتەر الىپ، جىلدار بويى كورگەن قيىن كۇندەرىن ارتقا تاستادى. باسپانالى بولعانداردىڭ التاۋى «تۇرعىن ءۇي قۇرىلىس جيناق بانكىنە» جىلدار بويى اقشا سالىپ، بەينەتتىڭ زەينەتىن كورگەن.
- ءۇي الۋدىڭ ءۇش جولى بار. العاشقىسى، مەملەكەتتىك قولداۋمەن سالىناتىن پاتەر كەزەگىن كۇتۋ. ەكىنشىدەن، «تۇرعىن ءۇي قۇرىلىس جيناق بانكىنەن» شوت اشىپ، سول جەرگە اقشا سالۋ، قولدا باردى ۇقساتىپ، جيناۋ. ۇشىنشىدەن، ەلباسى نۇرسۇلتان نازاربايەۆتىڭ بيىلعى «نۇرلى جول» - بولاشاققا باستار جول» اتتى جولداۋىندا ايتىلعان ارەندالىق پاتەر. مۇنىڭ ەكى ءتۇرى بار. ءبىرىن الداعى جىلدارى ساتىپ الۋعا بولادى. جاستار ءۇشىن وسى باعىتى ءتيىمدى، - دەدى ءوڭىر باسشىسى.
كەزدەسۋگە كەلگەن جاستاردىڭ تاعدىرى ءارقيلى. بيىل قۇدايبەرگەن جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ زاڭ فاكۋلتەتىن ۇزدىك ديپلوممەن اياقتاعان ەلميرا تۇرلىبايەۆا وبلىستىق سوتقا ءىس جۇرگىزۋشى بولىپ قىزمەت ەتەدى.
«بالالار ۇيىندە ءبىر وتباسىنىڭ بەس بالاسى تاربيەلەندىك، قازىر دە ءۇيدىڭ كىشكەنتايلارى سول جەردە. ينديرا، گۇلنۇر اتتى اپالارىم، ماقسات اتتى ءىنىم مەن بولعانداي ءسىڭلىم بار. گۇلنۇر ءقازىر تۇرمىستا. ول اقشا جيناپ، باسپانالى بولدى. مەن دە 2013 - جىلدان بەرى شوت اشىپ، ايلىعىمنان اۋىسقانىن جيناق بانكىنە سالىپ كەلەمىن. باۋىرلارىمدى جانىما الىپ، ءبىر شاڭىراقتا ءومىر سۇرگىم كەلەدى»، - دەيدى ول.
تۇرلىبايەۆتار اۋلەتىنەن تاراعان بەس جاننىڭ ارعى تىرلىگى بەلگىسىز. جاستاردىڭ كوبى وتكەندى قازبالاپ، جارالى جاندى اۋىرتقىسى كەلمەيدى. ولاردىڭ ءجۇزى سىنىق بولعانىمەن، مىعىم، ومىرگە بەيىمدەلگەن، ءوز بەتىمەن شەشىم قابىلداي بىلەتىن جاستا. سوندىقتان بولار داستارقان باسىنداعى باسقوسۋدا ولار ەل ىشىندەگى كەلەلى ىستەر مەن كەلەر جىلدىڭ اۋقىمدى جۇمىستارى جايلى ءبىلدى. مۇنداي قامقورلىق ساناۋلى جاستارعا ەمەس، ءالى بالالار ۇيىندە تاربيە الىپ، ءوسىپ- ونگەندى، ەر جەتىپ، تابىس تابۋدى، باسپانالى بولۋدى ارمان ەتكەن تالاي بالاعا ۇلگى. ولار وزدەرىن تاستاپ كەتكەن اتا-انادان كوڭىلى قالعانىمەن، قامقور جاندارعا قاراپ، قايىرىمدى ءىستى كوڭىلگە مەدەۋ ەتەدى. ال ءوڭىردىڭ جوسپارى بويىنشا 2014-2016 - جىلدار ارالىعىندا 339 جەتىم بالا باسپاناعا قول جەتكىزەدى.
التىناي ساعىندىقوۆا، اقتوبە وبلىسى
«ايقىن»
