قازاقستاندىق پوليتسەيلەر كۇدىكتىنى ۇستاۋ كەزىندە وعان قۇقىقتارىن ايتۋعا مىندەتتى
قورعاۋشى جالداپ، ءۇنسىز قالۋعا بولاتىنىن ەسكەرتەدى.
الەمدە كەڭىنەن قولدانىلاتىن بۇل ءتارتىپ جاڭا جىلدان باستاپ ەلىمىزدىڭ قىلمىستىق زاڭناماسىنا ەنگىزىلدى. بۇل تۋرالى ق ر باس پروكۋراتۋراسىندا وتكەن ارنايى بريفينگتە ايتىلدى.
كودەكسكە ەنگەن تاعى ءبىر جاڭالىق ەگەر كۇدىكتى كىناسىن مويىنداپ، تەرگەۋ ىسىنە كومەك كورسەتسە، جازاسىن جەڭىلدەتۋ قاراستىرىلعان. سونداي-اق جاڭا زاڭعا ساي انونيمدى ارىز-شاعىمدار تىركەۋگە الىنبايدى.
ءامىرحان امانبايەۆ، ق ر باس پروكۋراتۋراسىنىڭ قىلمىستىق پروتسەستىڭ سوتقا دەيىنگى ساتىسىنىڭ زاڭدىلىعىن قاداعالاۋ دەپارتامەنتىنىڭ باستىعى:
- ەلىمىزدە قىلمىستان ءجابىر كورگەندەردىڭ ماتەريالدىق شىعىندارىن وتەيتىن قور قۇرىلادى. پروكۋراتۋرا وكىلىنىڭ حابارلاۋىنشا، اتالعان قور قىلمىسكەرلەردەن تاركىلەنگەن جانە زاڭسىز تابىلعان مۇلىكتەردىڭ كومەگىمەن تولىعادى. الايدا مۇنداعى قارجىعا تەك شەتەل اسىپ، ءىزىن جاسىرعان قىلمىسكەردەن جاپا شەككەندەر عانا ءۇمىت ارتا الادى. ويتكەنى ءدال وسىنداي جاعدايدا ءىس ۇزاققا سوزىلىپ، جازىقسىز ازاماتتاردىڭ ءمورالدىق- ماتەريالدىق شىعىندارى جىلدار بويى وتەلمەي جاتادى.
www.24.kz
