ەندى جەلىدەگى جازبا ءۇشىن دە جاۋاپكەرشىلىككە تارتىلۋىڭىز مۇمكىن
- دەپ حابارلايدى «كازاحستانسكايا پراۆدا» گازەتى.
ق ر قىلمىستىق كودەكسىندەگى «جالعان مالىمەت تاراتۋ» دەپ اتالاتىن باپتا ەڭ اۋىر جازا رەتىندە 10 جىلعا دەيىن باس بوستاندىعىنان ايىرۋ قاراستىرىلعان. ناقتىلاپ ايتساق، ب ا ق- تار نەمەسە الەۋمەتتىك جەلىلەر ارقىلى وسەك تاراتقان ادامعا 5000 ايلىق ەسەپتىك كورسەتكىش كولەمىندە ايىپپۇل سالۋ، تۋرا وسىنداي كولەمدە تۇزەتۋ جۇمىستارىنا جىبەرىلۋ، باس بوستاندىعىنان 2 جىلدان 5 جىلعا دەيىن شەكتەلۋى نەمەسە باس بوستاندىعىنان ايىرىلۋى مۇمكىن.
سونىمەن قاتار، جاڭا تەحنولوگيانى پايدالانا وتىرىپ لاڭكەستىك جانە ەكسترەميزم كورىنىسىن، راديكال يدەولوگيانى تاراتۋعا جاۋاپكەرشىلىك قاتاڭداي ءتۇستى. ەندىگىدە شەتەلدەردەگى قارۋلى قاقتىعىستارعا قاتىسقان ادام قىلمىستىق جازاعا تارتىلادى، بۇل تۋرالى باپتا 3 جىلدان 7 جىلعا دەيىن باس بوستاندىعىنان ايىرۋ قاراستىرىلعان.
ەسكە سالا كەتەيىك، ق ر جاڭا قىلمىستىق كودەكسى مەن «ق ر قىلمىستىق زاڭ جوباسىن جەتىلدىرۋ ماسەلەلەرى جونىندە كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭعا قازاقستان پرەزيدەنتى 2014 - جىلدىڭ 3 - شىلدەسىندە قول قويعان ەدى.
kaz.tengrinews.kz
