ءابۋ-دابي تۋريزم جانە مادەنيەت باسقارماسى قازاقستاندىق اسپازداردى شەبەرلىك ساباعىنا شاقىرۋدا
جاقىندا بىرىككەن اراب امىرلىكتەرىندە جىلدىڭ ەڭ ءىرى استرونوميالىق وقيعالارىنىڭ ءبىرى «Abu Dhabi Food Festival» فەستيۆالى وتەدى.
شارا اياسىندا ءداستۇرلى ەميرات تاعامدارىنىڭ «Abu Dhabi Food Festival» جانە STREETFEAST فەستيۆالى ەسىگىن ايقارا اشپاق. اتالعان شاراعا ات سالىساتىن ءابۋ-دابيدەگى بارلىق مەيرامحانالار مەن قوناق ۇيلەر، ساۋدا ۇيلەرىندە ارنايى شەبەرلىك ساباقتارى مەن پرەزەنتاتسيالار وتكىزۋ جوسپارلانىپ وتىر.
«Gourmet Abu Dhabi» فەستيۆالى وتكىزىلىپ كەلە جاتقانىنا 6 جىل تولادى. وسى ۋاقىت ارالىعىندا ەميرات گاسترونوميالىق مادەنيەتىنىڭ قارقىندى دامۋىن باقىلادىق. ەندى جەتكەن جەتىستىگىمىزدى جاڭا دەڭگەيگە جەتكىزىپ، كوپشىلىك نازارىنا ۇسىناتىن ۋاقىت كەلدى. ءبىز قازاقستاندىق باس اسپازداردى وسى ايتۋلى مەرەكەگە ات سالىسىپ، ءوز تاجىريبەلەرىمەن بولىسۋگە، ءبىزدىڭ اسپازدىق مادەنيەتىمىزبەن جاقىنىراق تانىسۋعا شاقىرامىز»، - دەدى ءابۋ-دابي تۋريزم جانە مادەنيەت باسقارماسىنىڭ وكىلى سۇلتان ءال-دحاحەري.
اقپاننىڭ 5-7 ارالىعىندا وتەتىن فەستيۆال بارىسىندا كەلۋشىلەر ءداستۇرلى اراب مازىرىنەن بولەك، شىعىس تاعامدارىنىڭ ءدامىن تاتىپ، ونى ازىرلەپ ۇيرەنە الادى.
سۇلتان ءال-دحاحەريدىڭ ايتۋىنشا، مادەني شارا اراب تاعامدارىن الەمگە بەلگىلى ەۋروپا تاعامدارىنىڭ دەڭگەيىنە جەتكىزۋگە باعىتتالعان.
ال بيىل العاش رەت وتكىزىلىپ وتىرعان STREETFEAST ايماق تۇرعىندارىنا ارنالعان ناعىز گاسترونوميالىق مەرەكە بولماق. ءال گاربيا، ءال-اين ايماقتارىندا 12-14, 19-21 - اقپان ارالىعىندا جىلجىمالى دۇكەندەر مەن فۋرگوندار الەمنىڭ ءار ەلىنىڭ تاعامدارىن كوپشىلىككە ۇسىنادى.
اۆتور: گۇلميرا عوسمانالي
