قازاندا رەسەي تاريحىندا العاش رەت تاۋلىك بويى قۇران وقىلادى
ەندى قاسيەتتى كىتاپتىڭ سۇرەلەرى مەشىتتە ماڭگى ايتىلىپ تۇرماق، دەپ حابارلادى ت ا س س تاتارستان مۇسىلماندارى ءدىني باسقارماسىنىڭ باسپا ءسوز حاتشىسى احماد حاليكوۆكە سىلتەمە جاساپ.
«بۇل بۇكىل رەسەي ءۇشىن بىرەگەي وقيعا، ويتكەنى ەلىمىزدە قۇراندى تاۋلىك بويى وقۋ العاش رەت ۇيىمداستىرىلىپ وتىر. كۇن سايىن 24 ساعات بويى تاتارستاندىق حافيزدەر ەلىمىزدىڭ يگىلىگى مەن گۇلدەنۋى ءۇشىن جىلدىڭ بارلىق كەزەڭدەرىندە قۇران ءماتىنىن وقيدى»، - دەدى حاليكوۆ.
ونىڭ ايتۋىنشا، قازان مۇحاممەد پايعامبار جەتكىزگەن قۇراننىڭ قاسيەتتى سۇرەلەرىن تاۋلىك بويى وقيتىن ىستامبۇلدان كەيىنگى الەمدەگى ەكىنشى قالا بولدى».
بۇگىن تۇندە بۇكىل الەم مۇسىلماندارى ءماۋلىت- ءان-ءنابي مەرەكەسىن - مۇحاممەد پايعامباردىڭ تۋعان كۇنىن اتاپ وتەدى. قۇراندى تاۋلىك بويى وقۋ - ءبىزدىڭ پايعامبارىمىزعا دەگەن قۇرمەتىمىز»، دەپ اتاپ كورسەتتى حاليكوۆ.
