ەۋرازيالىق ەكونوميكالىق وداق سوتىنىڭ قۇرامى ايقىندالدى

استانا. قازاقپارات - ەۋرازيالىق ەكونوميكالىق كوميسسيا سايتىندا جاريالانعان جوعارى ەۋرازيالىق ەكونوميكالىق كەڭەس شەشىمىمەن (مەملەكەت باسشىلارى دەڭگەيىندە) ەۋرازيالىق ەكونوميكالىق وداق سوتىنىڭ قۇرامى ايقىندالدى.

بەلارۋس جوعارعى سوتى ءتوراعاسىنىڭ بۇرىنعى ءبىرىنشى ورىنباسارى الەكساندر فەدورتسوۆ ەۋرازيالىق ەكونوميكالىق وداق سوتىنىڭ ءتوراعاسى بولدى.

ە ا ە و سوتى ءتوراعاسىنىڭ ورىنباسارى بولىپ قازاقستاننان جولىمبەت بايشيەۆ تاعايىندالدى، ول 2014-جىلعى قازاننان باستاپ ەۋرازەو سوتىنىڭ ءتوراعاسى لاۋازىمىن اتقارعان. سونداي-اق ە ا ە و سوتىنىڭ سۋدياسى بولىپ دەنيس كولوس تاعايىندالدى. ول بۇدان بۇرىن بەلارۋس پرەزيدەنتى اكىمشىلىگىنىڭ زاڭنامالىق جانە سوت بيلىگىمەن ءوزارا قاتىناس، ازاماتتىق جانە راقىمشىلىق ماسەلەلەرى بويىنشا باس باسقارماسىنىڭ باستىعى بولعان.

بۇدان باسقا، سۋديا بولىپ ۆەنەرا سەيتىموۆا (قازاقستان)، تاتيانا نەشاتايەۆا (رەسەي) جانە كونستاتين چايكا (رەسەي). ولار دا بۇدان بۇرىن ەۋرازەو سۋديا كورپۋسىندا قىزمەت اتقارعان.

تاعايىنداۋ تۋرالى شەشىم 2015-جىلعى 1- قاڭتاردان باستاپ ە ا ە و قۇرۋ تۋرالى شارت جۇمىسىن باستاعان كۇننەن كۇشىنە ەنەدى، دەپ حابارلادى ب ە ل ت ا. سوت ورگانى مينسكىدە ورنالاسادى.