تۇركيا پرەزيدەنتىنىڭ سارايىنا شابۋىل جاسالدى

استانا. قازاقپارات - بەلگىسىز بىرەۋ ستامبۇلداعى پرەزيدەنت تايىپ رەجەپ ەردوعاننىڭ رەزيدەنتسياسىنا شابۋىل جاسادى. ول ساراي كۇزەتشىلەرىنە وق جاۋدىرىپ، جارىلعىش زات لاقتىرعان، ءبىراق گراناتا جارىلىپ ۇلگەرمەدى.

ماماندار سناريادتى الىستان زالالسىزداندىرعان. كۇدىكتى دە بىردەن قولعا ءتۇستى، دەپ حابارلايدى khabar.kz.

شابۋىل سالدارىنان ەشكىم زارداپ شەككەن جوق. پوليتسەيلەر قاسكۇنەمنىڭ جەكە باسىن انىقتادى. ول بۇرىن دا تۇرمەدە وتىرعان بولىپ شىقتى. ءبىراق ءتارتىپ ساقشىلارى تولىق مالىمەت بەرۋدەن باس تارتتى. قازىر شابۋىل جاسالعان اۋماق قورشاۋعا الىنىپ، تەرگەۋ ءجۇرىپ جاتىر.

«ءبىز بەلگىلى لاڭكەستىك ۇيىمنىڭ مۇشەسى دەپ وتىرعان ەر ادام 2 گراناتانى پوليتسيا بەكەتىنە قاراي لاقتىردى جانە سوسىن وق جاۋدىردى. ءبىزدىڭ ارىپتەستەرىمىز ونى قاشپاققا ارەكەتتەنگەن كەزىندە ۇستادى»، - دەپ ءمالىم ەتتى ستامبۇل پوليتسياسىنىڭ باسشىسى سەلامي التىنوك.