ەۋرازيالىق ەكونوميكالىق وداقتىڭ رەسمي سايتى اشىلدى

استانا. قازاقپارات - 1- قاڭتاردا www.eaeunion.org مەكەنجايى بويىنشا ورنالاسقان ەۋرازيالىق ەكونوميكالىق وداقتىڭ (ە ا ە و) سايتى جۇمىس ىستەي باستادى.

سايت بارشا وداققا مۇشە ەلدەردىڭ ۇلتتىق تىلدەرى - ارميان، بەلارۋس، قازاق جانە ورىس تىلدەرىندە قولجەتىمدى. سونداي-اق سايتتىڭ اعىلشىن ءتىلدى نۇسقاسى بار، دەپ حابارلادى ەۋرازيالىق ەكونوميكالىق كوميسسيانىڭ باسپا ءسوز قىزمەتىنەن.

رەسۋرستا وداق تۋرالى جالپى مالىمەت، اتاپ ايتقاندا، ە ا ە و وزەكتى جالپى ەكونوميكالىق كورسەتكىشتەرى، قاتىسۋشى ەلدەردىڭ پايدالى قازبالارى جايلى اقپارات جانە ت. ب. كەلتىرىلگەن.

سايتتا ە ا ە و-عا قاتىسۋشى ەلدەر: ارمەنيا، بەلارۋس، قازاقستان جانە رەسەي جايلى جانە ۇلتتىق ەكونوميكانىڭ باسىمدىقتارى تۋرالى اقپاراتتار ورنالاستىرىلعان.

2015-جىلعى 1- قاڭتاردان باستاپ ە ا ە و سايتى وداقتىڭ نورماتيۆتىك-قۇقىقتىق قۇجاتتارىن رەسمي جاريالاۋشى قىزمەتىن اتقارادى.