ءجۇز جىلدان كەيىن بەس مىڭنان استام ءتىل جوعالادى

استانا. قازاقپارات - 2115 - جىلعا قاراي جەر شارىنداعى قازىرگى التى مىڭ ءتىلدىڭ ءبىر مىڭنان ازى عانا قالادى. مۇنداي بولجامدى امەريكالىق عالىمدار جاسادى.

 بۇل وبەكتيۆتى جاعدايلارعا نەگىزدەلگەن: شاعىن توپتار ۇلكەن قاۋىمداستىقتاردىڭ ىقپالىنا ءتۇسىپ، ۋاقىت وتە كەلە، ولاردىڭ مادەنيەت، سونداي- اق ءتىلىن قابىلدايدى.

ا ق ش- تىڭ ءتىل عىلىمى عالىمدارى ەلدى ەلەڭ ەتكىزگەن وسى بولجامىن جاريالادى. قازىرگى كەزدە جەر شارىندا بار 6 مىڭ ءتىلدىڭ ىشىنەن 100 جىلدان كەيىن تەك ءبىر مىڭى عانا قالادى. 5 مىڭى ءىز- ءتۇسسىز جوعالىپ كەتەدى، - دەيدى عالىمدار.

 وسىعان سۇيەنىپ، Wall Street Journal تانىمال اقپاراتتىق باسىلىمى وقىرماندارىنا ءبىر عاسىردىڭ ىشىندە عالامشارىمىزدان بەس مىڭنان استام ءتىلدىڭ جوعالاتىنىن حابارلاعان. سونداي- اق، ماماندار الداعى ۋاقىتتا كوپتەگەن تىلدەردەگى سوزدەردىڭ جازىلۋى مەن داۋىستالۋى جەڭىلدەتىلەدى دەپ ويلايدى.