بيىل اتا-انا اتانعان جۇلدىزدار - فوتو
دينارا ءساتجان
بيىل 17- قاڭتاردا تەلەجۇرگىزۋشى دينارا ءساتجاننىڭ قىزى ديانا ومىرگە كەلدى.
بالاقاي ءتورت كەلى بولىپ تۋىلعان، بويى - 58 سانتيمەتر. بۇل دينارا ءساتجاننىڭ ەكىنشى بالاسى، ۇلكەن ۇلى - دانيال سەگىز جاستا.
اسەل ساعاتوۆا
اكتريسا اسەل ساعاتوۆا ۇلىن ب ا ءا- دە ومىرگە الىپ كەلدى، ول جۇكتىلىكتىڭ سوڭعى ءۇش ايىندا سول جاقتا بولدى.
اكتريسا مەن ونىڭ جولداسى تۇڭعىش بالالارىنا الديار دەگەن ەسىم قويدى.
اسەل بالاسىنىڭ ءتۇرىن كورسەتپەيدى، ءبىراق كەيدە Instagram-داعى پاراقشاسىنا اسەرلى سۋرەتتەرىن سالىپ قويادى.
سەرىك ساپيەۆ
وليمپيادا چەمپيونى، الەمنىڭ ەكى دۇركىن چەمپيونى، ۆەل باركەر كۋبوگىنىڭ يەگەرى، بوكسشى سەرىك ساپيەۆتىڭ وتباسى بيىل تاعى ءبىر مۇشەمەن تولىقتى. سەرىك ساپيەۆتىڭ جارى ءمولدىر دۇنيەگە قىز اكەلدى. بۇل ساپيەۆتەر وتباسىنداعى ءۇشىنشى بالا. ۇلكەن قىزدارى اققۋ مەن الۋانىڭ تاعى ءبىر ءسىڭلىسى ومىرگە كەلدى، وعان ايسۇلۋ دەگەن ەسىم بەرىلدى.
ءمادينا ءسادۋاقاسوۆا
ماۋسىمدا ءمادينا ءسادۋاقاسوۆا ۇلىن ومىرگە اكەلدى، وعان ءانۋار دەگەن ەسىم قويىلدى. بالانىڭ سالماعى 3,969 كەلى بولعان، ال بويى - 59 سانتيمەتر. بۇل - ءانشى مەن ونىڭ جولداسى ولجاستىڭ تۇڭعىش بالاسى.
تۇرسىنبەك قاباتوۆ
تانىمال ازىلكەش، قازاقستاننىڭ كۆن قۇراماسىنىڭ مۇشەسى تۇرسىنبەك قاباتوۆتىڭ ۇلى قىركۇيەكتىڭ 25 ىنەن 26 سىنا قاراعان ءتۇنى ومىرگە كەلدى. بۇل - قاباتوۆتىڭ وتباسىنداعى ءتورتىنشى بالا.
انەل ءارىنوۆا
قازاقستاندىق ءانشى انەل ءارىنوۆا دا بيىل انا اتاندى. بۇل حاباردى العاشقى بولىپ ونىڭ پروديۋسەرى بايان ەسەنتايەۆا Instagram داعى پاراقشاسىندا جاريالادى. ول ۇلىنا ارابشا يمران دەگەن ەسىمدى قويدى.
بۇل ەسىمنىڭ ماعىناسى بالا ادال ءارى سەنىمدى ەر-ازامات بولىپ ءوسىپ، وتباسى مەن قاراپايىم قۋانىشتى باعالايتىن بىلەتىن ادام بولسىن دەگەندى بىلدىرەدى.
انەل جۇكتىلىگىن جاسىرعان جوق، ول دوڭگەلەنگەن ءىشىن سۋرەتكە ءتۇسىرىپ جاريالاپ وتىردى.
ماريا فەدورەنكو
ازيا ويىندارىنىڭ ەكى دۇركىن چەمپيونى، حالىقارالىق دارەجەدەگى سپورت شەبەرى ماريا فەدورەنكو بيىل ۇشەم تۋدى. ۇشەۋى دە - ۇل بالا. شىعىس قازاقستاننىڭ حوككەيشىسى مەن ونىڭ جولداسى ۇلدارىنا ارحيپ، پروحور جانە ەگور دەگەن ەسىم قويدى.
ماريا فەدورەنكو - «ب» توبىنداعى الەم چەمپيونى، 2005-2006- جىلدارى ەۋروليگادا ەكىنشى ورىن الدى، سونىمەن قاتار 2006-جىلى ازيا ليگاسىندا ماۋسىمنىڭ ەڭ ۇزدىك قورعاۋشىسى رەتىندە جەڭىسكە جەتتى.
ديليارا بايجانبايەۆا
اكتريسا ديليارا بايجانبايەۆا ومىرگە قىز بالا اكەلدى. اكتريسا پاريجدەگى La Muette ەمحاناسىندا بوساندى. ديليارا بايجانبايەۆا مەن ونىڭ جولداسى اسحات الىشيەۆ قىزدارىنا امەلي دەگەن ات قويدى.
tengrinews.kz
