قىتايدا قاسقىر سوققان قازاق قىز قايتىس بولدى

 استانا. قازاقپارات - جالاڭاش قولىمەن قاسقىر سوققان قازاقتىڭ باتىر قىزى ومىردەن وزدى. 1976 - جىلى دۇنيەگە كەلگەن باتىل بويجەتكەن 27 - جەلتوقسان كۇنى ومىردەن وزدى، دەپ جازادى qamshy.kz.

1999 - جىلى 27 - قاراشا كۇنى شىڭجاڭ ۇيعىر اۆتونوميالى ولكەسى كۇنەس اۋدانىنىڭ شاقپى اۋىلىندا مال شەتىندە جۇرگەندە كەنەتتەن قويعا قاسقىر شابادى. «مال اشۋى - جان اشۋى» دەگەن قازاق. اۋدەم ۋاقىتتان سوڭ اش ءبورى تاماقتاپ جاتقان قويدى تاستاي سالىپ، ادامعا شابادى. قولىندا سىنىق سۇيەم تەمىرى جوق قىز اش قاسقىردى قوس قۇلاقتان باسىپ، ازۋلى ءتىسىن دەنەسىنە دارىتپاي، تۇمسىعىن جەرگە تۇقىرتىپ، القىمىنان قىسىپ، قۇلاق شەكەدەن جۇدىرىقپەن ۇرىپ جەر قاپتىرادى.

 ەر جىگىتكە بەرگىسىز ەرلىك جاساعان قىزدىڭ ەسىمى - ءدىلبار اسىلبەك قىزى. كۇنەس اۋدانى نارات- تاياسۋ اۋىلىنىڭ تۋماسى. ەرلىك ءىسى ەل ىشىنە اڭىز بولىپ تاراعان قىز 27 - جەلتوقسان كۇنى ومىردەن وزدى.