11:39, 30 - جەلتوقسان 2014 | GMT +5
وباما: ا ق ش تاريحىنداعى ەڭ ۇزاق سوعىس وسىمەن اياقتالدى
استانا. قازاقپارات - ا ق ش- تىڭ تاريحىنداعى ەڭ ۇزاق سوعىس - ناتو- نىڭ اۋعانستانداعى 13 جىلعا سوزىلعان ميسسياسى سوڭىنا جەتتى.
اق ۇيدە وتكەن جيىندا باراك وباما بۇل سوعىستا قانشاما جان ەلدەگى تىنىشتىق ءۇشىن جاندارىن قۇربان ەتكەنىن ايتتى، دەپ حابارلايدى Bnews.kz.
وبامانىڭ ايتۋىنشا، ا ق ش اسكەرى سوعىس جىلدارىندا باستارىن قاتەرگە تىگىپ، اۋعانستان ازاماتتارىنىڭ بەيبىت ءارى تىنىش ءومىر ءسۇرۋى ءۇشىن جاندارىن سالىپتى.
28 - جەلتوقساندا كابۋلداعى بىرلەسكەن اسكەردىڭ شتاب- پاتەرىندە اۋعانستانداعى بىتىمگەرلىك ميسسياعا قاتىسقان بارلىق مەملەكەتتەردىڭ قاتىسۋىمەن ناتو جالاۋى ءتۇسىرىلدى.
قازىرگى كەزدە وداقتاس مەملەكەتتەردىڭ 13 مىڭنان استام اسكەرى اۋعانستاندا جاڭادان قۇرىلعان «قورىتىندى قولداۋ» اتتى ميسسياعا قاتىسىپ جاتىر.
