20:12, 28 - جەلتوقسان 2014 | GMT +5
جوعالىپ كەتكەن مالايزيالىق ۇشاقتى ىزدەستىرۋ تاڭەرتەڭگە دەيىن توقتاتىلدى
استانا. قازاقپارات - ءيندونەزيالىق بيلىك قاراڭعىلىق تۇسۋىمەن بايلانىستى جوعالىپ كەتكەن AirAsia اۆيا كومپانياسىنىڭ ۇشاعىن ىزدەستىرۋدى توقتاتتى.
ىزدەستىرۋ-قۇتقارۋ وپەراسياسى دۇيسەنبى كۇنى تاڭەرتەڭ جالعاسادى، دەپ حابارلادى بي-بي-سي.
ۇشاق بورتىندا 162 ادام بولعان، يندونەزيالىق سۋراييدان سينگاپۋرعا شىققان، 10،500 مەتر بيىكتىكتە ۇشقان ۇشاق ەكيپاجى ديسپەتچەردەن باعىتتان اۋىتقۋعا جانە قالىڭ بۇلتتان شىعۋ ءۇشىن تاعى ەكى شاقىرىمعا بيىكتەۋ جونىندە رۇقسات سۇراعاننان كەيىن رادار ەكراندارىنان جوعالىپ كەتكەن.
يندونەزيالىق قۇتقارۋشىلار وكىلى تاتانگ زاەنۋددين ىزدەستىرۋ جۇمىستارى دۇيسەنبى كۇنى تاڭعى ساعاتتان باستاپ جالعاستىرىلاتىنىن ايتتى.
