ءبىلىمدى، باقۋاتتى جانە جالعىزىلىكتى ەر ادامدار اراققا ءۇيىر - عالىمدار پىكىرى
بريتاندىقتاردى ون جىل بويى باقىلاي كەلىپ، عالىمدار الكوگولگە ءبىلىمدى، باقۋاتتى جانە جالعىزىلىكتى ەر ادامدار كوبىرەك ۇرىناتىنى تۋرالى توقتامعا كەلدى.
لوندوننىڭ كيليا ۋنيۆەرسيتەتى مەن ۋنيۆەرسيتەت كوللەدجىنىڭ عالىمدارى ەلدىڭ 45 جاستان اسقان ادامدارىنىڭ الكوگولگە ۇيىرلىگى دەڭگەيىن زەرتتەگەن. زەرتتەۋلەر جاسى ۇلعايعان سايىن ادامدار ءسپيرتتى 20 پايىز از ىشەتىنىن بايقادى، الايدا جاس ەرەكشەلىگى باستى فاكتور ەمەس. بۇل ارادا دەنساۋلىق، جىنىسى، ءبىلىمى، وتباسىلىق مارتەبەسى جانە كىرىستەر دەڭگەيى ۇلكەن ءرول اتقارادى. ادامدار باقۋاتتى بولعان سايىن ىشىمدىككە كوبىرەك ۇرىنادى. وتباسىلى ادامدار بۇدان 10 جىل بۇرىنعىدان 11 پايىز كەم ىشەدى. دەنساۋلىعى جاقسى ادامدار دەنساۋلىعى ناشارلارعا قاراعاندا كوبىرەك ىشەدى، ال جالعىزىلىكتى ايەلدەر ەرلەرىنەن ايىرىلعاننان كەيىن 16 پايىز از ىشەدى. ەڭ كوپ ىشەتىندەر، ءبىلىمدى، باقۋاتتى جالعىزىلىكتى ەر ادامدار بولىپ شىقتى. عالىمداردىڭ پىكىرىنشە، ولار تاۋەكەلدىكتىڭ نەگىزگى توبىن قۇرايدى.
