فينليانديا ەڭ تۇراقتى ەل دەپ تانىلدى

استانا. قازاقپارات - امەريكاندىق Fund for Peace قورىنىڭ نۇسقاسى بويىنشا فينليانديا الەمدەگى ەڭ تۇراقتى ەل بولىپ تانىلدى، دەپ حابارلادى روس بالت.

قور جىل سايىن مەملەكەتتىڭ قۇلاۋ قاۋپى يندەكسى جونىنەن ەلدەردىڭ رەيتينگىسىن جاسايدى.

ساراپشىلار، اتاپ ايتقاندا، ادام قۇقىقتارىنىڭ قورعالۋى، حالىققا كورسەتىلەتىن قىزمەتتەر ساپاسى، بايلىقتىڭ ءبولىنۋى جانە ءار ەلدەن كەلگەن بوسقىندار سانى سياقتى دەرەكتەردى ەسكەرەدى.

فينليانديا بيىل ءتورتىنشى رەت قاتارىنان الەمنىڭ ەڭ تۇراقتى ەلى اتانىپ وتىر. وسىنداي ورنىقتى ەلدەردىڭ قاتارىندا شۆەتسيا اتالدى. رەسەي ەلدىڭ تۇراقتىلىعى جاعىنان 85 ورىنعا شىعىپ، «وتە قاۋىپتى» دەپ باعالاندى.

الەمنىڭ ەڭ تۇراقسىز ەلى بولىپ، وڭتۇستىك سۋدان اتالدى. بۇدان بۇرىن وسى ورىندا التى جىل بويى سومالي بولىپ كەلگەن ەدى.

اتالمىش قور   178 مەملەكەتتىڭ رەيتينگىسىن ونىنشى رەت جاريالاپ وتىر.