گولوۆكيننىڭ نوكاۋتى الەمدەگى ۇزدىك نوكاۋتتار جيىرمالىعىنا كىردى - كەسكىن

استانا. قازاقپارات - WBA (Super) ، IBO جانە WBC (Interim) تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكيننىڭ رۋبيومەن جەكپە-جەكتەگى نوكاۋتى Gorilla Productions تۇجىرىمى بويىنشا 2014 - جىلدىڭ ەڭ ۇزدىك توپ-20 نوكاۋتتار قاتارىنا كىردى، - دەپ حابارلايدى Vesti.kz.

«گەنناديي گولوۆكين - ماركو انتونيو رۋبيو» جەكپە-جەگى 19 - قازاندا ا ق ش- تىڭ كاليفورنيا شتاتىنداعى كارسون قالاسىندا StubHub Center ارەناسىندا ءوتتى.

گولوۆكيننىڭ مەكسيكالىق رۋبيومەن جەكپە-جەكتەگى جاساعان نوكاۋتى 18- ورىندا. رەيتينگتىڭ ءۇشىنشى ورنىندا ۇلى بريتانيالىق كارل فروچتىڭ وتانداسى جوردج گرۋۆسپەن جەكپە-جەكتە جاساعان نوكاۋتى تۇر. ال ەكىنشى ورىنعا ۆيرگين ارالدارىنان شىققان دجون دجەكسوندى نوكاۋتقا جىبەرگەن يرلانديانىڭ بوكسشىسى ەندي لي جايعاستى. جىلدىڭ ەڭ ۇزدىك نوكاۋتى دەپ فيليپپيندىك مارۆين سونسوننىڭ جاپون اكيفۋمي شيمودامەن جەكپە-جەكتەگى نوكاۋتى تانىلدى.

 

ەسكە سالا كەتەيىك، WBA نۇسقاسى بويىنشا ورتا سالماقتاعى الەم چەمپيونى 32 جاستاعى قازاقستاندىق بوكسشى گەنناديي گولوۆكين مەن WBC نۇسقاسىنىڭ ۋاقىتشا چەمپيونى 34 جاستاعى مەكسيكالىق ماركو انتونيو رۋبيو ا ق ش- تىڭ كاليفورنيا شتاتىنداعى كارسون قالاسىندا StubHub Center ارەناسىندا وتكەن جەكپە-جەكتە الەم چەمپيونى دەگەن اتاققا تالاستى. گولوۆكين ەكىنشى راۋندتا قارسىلاسىن ەسىنەن تاڭدىرىپ، جەڭىسكە جەتتى.

tengrinews.kz