قازاقتىڭ بەلگىلى اقىنى يبراگيم يسايەۆ دۇنيەدەن ءوتتى
ول - حالقىمىزدىڭ كورنەكتى اقىنى «ەسكەگىن قايىعىڭنىڭ، قالدىردىن، اعا، كىمگە؟..» دەپ شامشىگە ولمەس جىر ارناعان يبراگيم يسايەۆ ەدى.
قارالى حاباردى قازاقستان جازۋشىلار وداعىنىڭ حاتشىسى قايىرنيسا جۇماشەۆا راستادى.
جازۋشىنى اقتىق ساپارعا شىعارىپ سالۋ شاراسى دۇيسەنبى كۇنى تاڭەرتەڭگى 10:00 دا جازۋشىلار وداعىندا وتەدى.
يبراگيم يسايەۆ 1949 - جىلى 7 - قاڭتاردا قىزىلوردا وبلىسىنا قاراستى سىرداريا اۋدانىنىڭ جەتىكول اۋىلىندا تۋعان. قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن سىرتتاي وقىپ بىتىرگەن. سىرداريا اۋداندىق گازەتىندە ادەبي قىزمەتكەر، قىزىلوردا وبلىستىق حالىق شىعارماشىلىعى ۇيىندە نۇسقاۋشى-ادىستەمەشى، قازاقستان جازۋشىلار وداعىنىڭ كوركەم ادەبيەتتى ناسيحاتتاۋ بيۋروسىندا ءتىلشى-ادىسكەر، «ارا» جۋرنالىندا فەلەتونشى، «جالىن» الماناحىندا رەداكتور، «ساحنا- سسەنا» جۋرنالىندا باس رەداكتور، «ساقشى - نا ستراجە» گازەتىندە، «اراي» جۋرنالىندا ءبولىم مەڭگەرۋشىسى بولىپ قىزمەت ىستەگەن.
ولەڭدەرى ءبىرقاتار شەتەل تىلدەرىنە اۋدارىلعان. «التىن سىرعا»، «تاڭ الدىنداعى ءان»، «تەربەلەدى قايىڭدار»، «جانىمنىڭ جارىعى» ولەڭدەر جيناعىنىڭ، كوپتەگەن ءان ماتىندەرىنىڭ اۆتورى. «ءان-اعا» اتتى ءان البومى شىققان.
كومي اقىنى ي. كۋراتوۆ، ورىس اقىنى ن. رۋبتسوۆ ولەڭدەرىن قازاقشا سويلەتكەن.
اۆتور: گۇلميرا عوسمانالي
