كەز كەلگەن قازاق ءوزىنىڭ تىلىمەن، مادەنيەتىمەن قازاق بولىپ قالۋى كەرەك - ق. ءامىرعازين

استانا. قازاقپارات - ەلوردادا «جاڭا پاتريوتيزمدى قالىپتاستىرۋداعى ۇلتتىق تاريحتىڭ ءرولى» تاقىرىبىندا حالىقارالىق عىلىمي-تاجىريبەلىك كونفەرەنسيا ءوز جۇمىسىن باستادى.

«پاتريوتتىق سەزىم تىلدەن باستالۋى كەرەك. ءتىلى بار ادام ءوزىنىڭ تاريحىن ءبىلۋى قاجەت. ال تاريحىن بىلگەن ادام ارى قاراي ءوزى ۇلتىنىڭ سالتىن، ءداستۇرىن، مادەنيەتىن شەتەلگە جەتكىزە ءبىلۋى ءتيىس. كەز كەلگەن قازاق ءوزىنىڭ تىلىمەن، مادەنيەتىمەن قازاق بولىپ قالۋى كەرەك»، - دەيدى ومبى قالاسىنىڭ جوعارى مەكتەبى ينستيتۋتىنىڭ رەكتورى قايىرتاي ءامىرعازين.

سونىمەن قاتار ول ءوز سوزىندە شەتەلدەگى قانداستارىمىزدىڭ قازاق ەلىنىڭ قازىرگى جەتكەن جەتىستىگىن زور قۋانىشپەن قابىلدايتىنعىن باسا ايتتى.

«بۇگىنگى يندۋستريالدى قازاقستاننىڭ ەكسپو-2017 كورمەسىنە دايىندالىپ جاتۋى شەتەلدەگى بۇكىل قازاققا زور ىقپال ەتەدى. بىزدەر شەتەلدە قىزمەت ەتىپ جاتقان كەزدە شوقتىعىمىزدىڭ بيىك ەكەندىگىن سەزىنەمىز. ول ءبىزدىڭ پرەزيدەنتىمىزدىڭ ۇلىلىعى، جەرىمىزدىڭ بايلىعى، حالقىمىزدىڭ تۇراقتىلىعى، مادەنيەتى، ءتىلى مەن تاريحي قالىپتاسقان ۇلتىمىزدىڭ ۇلىلىعى دەپ بىلەمىن»، - دەدى ول.

ايتا كەتەرلىگى، كونفەرەنسيا اياسىندا مەملەكەت تاريحى ينستيتۋتىنىڭ عالىمدارى شىعارعان «ءىلياس ەسەنبەرلين» مونوگرافياسىنىڭ، «قازاقستاننىڭ قازىرگى زامان تاريحى» جانە «نۇرسۇلتان نازاربايەۆ جانە تاۋەلسىز قازاقستان: بيبليوگرافيالىق كورسەتكىش» اتتى ەڭبەكتەردىڭ تانىستىرىلىمى ءوتتى.

 اۆتور: مارلان جيەمباي