تۇركيا پرەزيدەنتىنىڭ قازاقستانعا ساپارى كۇتىلۋدە

استانا. قازاقپارات - تۇركيا پرەزيدەنتى تايىپ ەردوعاننىڭ قازاقستانعا ساپارى كۇتىلۋدە. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر سىرتقى ىستەر ءمينيسترى ەرلان ىدىرىسوۆ ايتتى.

«وزدەرىڭىزدە بىلەتىندەي، ول تاياۋدا عانا بۇل لاۋازىمعا سايلانعان بولاتىن. ءبىزدىڭ تۇركيامەن قارىم- قاتىناسىمىز ۇزاقمەرزىمدى ءارى تۇراقتى سيپاتقا يە. بىزدەردە جوعارى دەڭگەيدەگى ءوزارا ينستيتۋتتار بار. تاياۋ ارالىقتا قازاقستان وزىندە ءبىزدىڭ دوسىمىز، پرەزيدەنت ەردوعاندى قابىلدايدى دەپ كۇتۋدەمىز»، - دەدى مينيستر.

 اۆتور: مارلان جيەمباي